"Pasush de Ferreyra" "Manchester Siti" forvardini ijaraga oladi

Bu haqda jurnalist Fabricio Romano xabar bermoqda. 19 yoshli braziliyalik 2022/23 yilgi mavsumni Portugaliya jamoasida ijarada o'tkazadi.

Futbolchida Belgiya va Franciya klublaridan taklif bo'lgan edi, ammo u ushbu variantlarni rad etishga qaror qildi.

O'yinchi bugun "Pasush de Ferreyra"ga o'tishini yakunlash uchun tibbiy ko'rikdan o'tadi.

"Manchester Siti" Kaykini "Fluminense"dan 2021 yilning avgust oyi so'nggida xarid qilgandi. Forvard asosiy jamoada 2ta o'yinda maydonga tushdi. U "shaharliklar"ning yoshlar jamoasi safida 14ta o'yinda 6ta gol va 4ta assist qayd etdi.

Transfermarkt portali Kaykini 14 million evroga baholamoqda.