Parij-2024 saralash o'yinlari oldidan O'FA ayollar terma jamoasi azolari bilan uchrashdi (+taqvim)
27 mar 2023 07:35
Yangiliklar

Parij-2024 saralash o'yinlari oldidan O'FA ayollar terma jamoasi azolari bilan uchrashdi (+taqvim)

Ayni kunlarda O'zbekiston ayollar milliy terma jamoasi Toshkentda yig'in o'tkazmoqda.

Vakillarimiz aprelm oyida Parij-2024 Olimpiya o'yinlarining Osiyo mintaqasi saralash bosqichida doirasida Iordaniya, Timor Leste va Butan jamoalariga qarshi uchrashuv o'tkazadi.

O'FA rahbariyati jamoaning mashg'ulotlariga borib, bosh murabbiy Midori Honda bilan futbolchilarning ayni paytdagi holati va imkoniyatlari xususida suhbatlashdi. Ayollar termasi oldiga ham katta vazifalar belgilanganini aytib, bu yo'lda O'FA tomonidan barcha sharoitlar taqdim etilishini malum qildi. Futbolchilar bilan suhbatda jamoaviy ahillik va birdamlik ko'rsatgan holda Olimpiada hamda Jahon chempionati yo'lida tinmay mehnat qilish kerakligi aytildi. Uchrashuv yakunida Ravshan Irmatov bo'lajak o'yinlarda jamoaga omad tiladi.

Eslatib o'tamiz, terma jamoamiz ishtirokidagi Olimpiya o'yinlarining Osiyo mintaqasi saralash bosqichi “A” guruhidan o'rin uchrashuvlar O'zbekistonda o'tkaziladi. Bahslar 5, 8 hamda 11-aprel kunlari bo'lib o'tadi.