O'zPFL direktorligiga Diyor Imomxo'jaev nomzodi taqdim etildi

2020 yilning 25 may kuni O'zbekiston Professional futbol ligasi bosh direktori o'z lavozimidan ozod etilganidan so'ng tashkilot bosh direktori vazifasini bajaruvchi etib Imomxo'jaev Diyor Abrorovich belgilangan edi. O'tgan davr mobaynida O'zbekiston Professional futbol ligasida professional futbol musobaqalarini tashkil etish, futbol klublari faoliyatini har tomonlama qo'llab-quvvatlash hamda ularning Osiyo Futbol Konfederaciyasi talablari asosida licenziyalashdan o'tkazilishida bir qator ijobiy ishlar amalga oshirildi. 

O'zbekiston Professional futbol ligasi Ustaviga muvofiq bosh direktorni lavozimiga tayinlash va lavozimidan ozod qilish O'zbekiston futbol associaciyasi prezidentining taqdimnomasiga asosan Liganing Ijroiya qo'mitasi tomonidan amalga oshiriladi. SHu asosda O'zbekiston futbol associaciyasi prezidenti tomonidan O'zbekiston Professional futbol ligasi bosh direktorini lavozimga tayinlash bo'yicha Liga Ijroiya qo'mitasiga Imomxo'jaev Diyor Abrorovich nomzodini tasdiqlash uchun taqdim etildi. Mazkur masala O'zbekiston Professional futbol ligasi Ijroiya qo'mitasi yig'ilishida ko'rib chiqilishi uchun kiritildi.

Malumot uchun, O'zbekiston Professional futbol ligasining navbatdagi Umumiy yig'ilishida Liga Ijroiya qo'mitasining yangi tarkibi saylandi.