O'zPFL barcha futbol musobaqalarini 15 avgustga qadar to'xtatdi

"Bunda tashkilot birinchi galda klublar duch kelishi mumkin bo'lgan muammolar hamda futbolchilar salomatligi masalasini birinchi o'ringa qo'ydi. 

Birinchi galda Birinchi liga va Ayollar chempionati musobaqasi, keyinroq esa futzal chempionati nomalum muddatga qoldirildi. Coca Cola Superliga hamda Pro liga musobaqasi esa davom ettirildi. Orada virus yuqtirib olgan futbolchilar aniqlangach, O'zPFL har ikki musobaqani avgustga qadar to'xtatishga qaror qildi.

Bugun — 27 iyul kuni O'zbekiston futbol associaciyasi respublikada karantin talablari 15 avgustga qadar uzaytirilganidan kelib chiqib, mana shu muddat davomida futbol uchrashuvlarini o'tkazmaslik bo'yicha tavsiya xatini taqdim etdi. Yani, terma jamoalar uchun masul tashkilot ham futbolchilar salomatligi masalasini birinchi planga olib chiqdi.

O'z navbatida O'zPFL ham mavjud holat, qolaversa, futbolchi va murabbiylar bilan bog'liq sharoitlar, mamlakatimizda hukm surayotgan karantin davri hamda undagi murakkabliklarni inobatga olib, barcha futbol musobaqalarini 15 avgustga qadar qoldirdi. Barchamiz uchun sog'ligimiz birinchi o'rinda. 

Musobaqaning qay tariqa tiklanishi, taqvim va format qay ko'rinishda bo'lishi masalasiga keyinroq oydinlik kiritiladi. O'zPFL og'ir sharoitda barcha yurtdoshlarimizga sabr, matonat va salomatlik tilaydi", - deyiladi O'zPFL xabarida.