So’nggi yangiliklar

23:02Италия — Албания. Таркиблар маълум  1 22:56Евро-2024. Испания пенальтидан гол уролмаган Хорватияни йирик ҳисобда мағлуб этди  21 22:20"Ливерпуль" испан хавбеки учун деярли 60 миллион евро беришга тайёр  0 22:20Суперлига. Тўртта қизил, иккита пенальти белгиланган учрашувда «Андижон» сўнгги дақиқаларда мағлубиятдан қутулиб қолди. Андижонликлар ҳакамнинг қарорларига норозилик билдириб маълум вақт майдонга тушишни исташмади!  64 21:55"Нефтчи" - "Сурхон" учрашувида ғолиб аниқланмади  45 21:40Расман: "Атлетико" футболчиси Туркия клубига ўтди  1 20:41Ямал бир неча дақиқалардан сўнг Европа чемпионатлари тарихидаги энг ёш ўйинчига айланади  11 20:18"Арсенал" Онана учун 50 млн фунтдан ортиқ тўлаши мумкин  1 20:05Испания - Хорватия. Таркиблар эълон қилинди  2 20:02"Бунёдкор" ва "Пахтакор"нинг собиқ легионери Юрица Булят: "Хорватия яна мўъжиза кўрсата олади"  0 19:55Евро-2024. Швейцария илк турда Венгрияни ишончли ҳисобда енгди  6 19:40Ўзбекистон аёллар терма жамоаси ФИФА рейтингида 2-ўринни эгаллаб турган жамоа билан ўйнайди  5 19:33"Қизилқум" - "Андижон". Кимлар асосий таркибда?  31 18:44Аргентина терма жамоасининг Копа Америка учун қайдномаси эълон қилинди  1 18:33Свиридов: "Футзалчиларимиз мухлислар кутаётганидан-да яхшироқ натижа кўрсата олишади"  1

O'zFHM: "Nasaf" darvozasiga toza penalti qo'yilmagan, "Olimpik"ka esa yo'q penalti qo'yilgan, "Andijon" futbolchisi 18-daqiqada qizil olishi kerak edi Yangiliklar

O'zFHM: "Nasaf" darvozasiga toza penalti qo'yilmagan, "Olimpik"ka esa yo'q penalti qo'yilgan, "Andijon" futbolchisi 18-daqiqada qizil olishi kerak edi

Joriy yilning 21 may sanasida Superliga 2024 yilgi mavsumning 8-turi yakuniga etdi.

O'zbekiston futbol hakamlari markazi tur yakunlariga ko'ra, Ekspert-hakamlar komissiyasining navbatdagi yig'ilishini o'tkazdi va tur doirasida kuzatilgan bahsli vaziyatlar tahlil qilindi. 8-tur doirasida o'tkazilgan o'yinlarda jami o'n bitta bahsli vaziyat yuzaga keldi.

Quyida ularning batafsil izohi va chiqarilgan yakuniy qarorlar bilan tanishishingiz mumkin:

1-vaziyat: "Andijon" – "Metallurg" uchrashuvi: bahsli qizil kartochka.

"Andijon" – "Metallurg" bahsining 18-daqiqasida maydon egalarining 66-raqamli futbolchisi ehtiyotsizligi sabab mehmonlar vakili oyog'ining himoyalanmagan qismiga shikast etkazdi. Bosh hakam Sultonmurod Abdurahmonov bu holatda andijonliklar himoyachisiga sariq kartochka ko'rsatdi.

Ekspert-hakamlar komissiyasi qarori: Ushbu vaziyatda futbolchi raqibiga o'ta keskin tarzda butsasining tag qismi bilan zarba bergan va unga jiddiy jarohat etkazishi mumkin edi. Ekspert-hakamlar komissiyasi hakamning qarorini noto'g'ri, deb hisoblaydi.



2-vaziyat: "Qizilqum" – "Olimpik" o'yini: bahsli penalti.

"Qizilqum" – "Olimpik" bellashuvining 80-daqiqasida mezbonlar raqib jarima maydonida xavfli vaziyat yuzaga keltirdi. Bu vaziyatda navoiyliklarning 8-raqamli futbolchisi to'p uchun kurashda maydonga yiqildi. Bosh hakam To'rabek Suyunov VAR orqali holatni o'rganganidan so'ng penaltiga ishora qildi.

Ekspert-hakamlar komissiyasi qarori: Ushbu epizodda himoyachi to'p uchun kurashga kirgan va penalti uchun etarli asos mavjud emas edi. Ekspert-hakamlar komissiyasi yakdil fikr asosida hakamning qarori noto'g'ri bo'lganini malum qiladi.



3-vaziyat: OKMK – "So'g'diyona" o'yini: mehmonlarning goli.

OKMK – "So'g'diyona" bahsining 26-daqiqasida mehmonlarning 14-raqamli futbolchisi raqib darvozasini ishg'ol qildi. Ammo bu vaziyatda jizzaxliklarning ofsaydda turgan 9-raqamli vakili darvozabonga halaqit qilgan. Bosh hakam G'ayrat Jo'raev VARga murojaat qildi hamda hujumchining o'yindan tashqari holatda ekani sabab golni bekor qildi.

Ekspert-hakamlar komissiyasi qarori: Bu vaziyatda hujum qilayotgan futbolchi to'p uchun kurashga kirgan paytda ofsaydda edi. Hakamning qarori yakdil fikr asosida to'g'ri, deb topildi.



4-vaziyat: OKMK – "So'g'diyona" bellashuvi: bahsli penalti.

OKMK – "So'g'diyona" uchrashuvining 67-daqiqasida mehmonlarning 11-raqamli futbolchisi raqib jarima maydonida to'p uchun kurashga kirdi. Ammo bu holatda olmaliqliklar azosi unga faol qarshilik ko'rsatdi. Bosh hakam G'ayrat Jo'raev VAR orqali epizodni o'rganib chiqqach, 11 metrlik jarima zarbasiga ishora qildi.

Ekspert-hakamlar komissiyasi qarori: Bu vaziyatda OKMK himoyachisi raqibining to'pga egalik qilishida halaqit qilgan hamda uning maydonga yiqilishida aybdor bo'lgan. Referida nuqta ko'rsatish uchun asosli sabab bor. Hakamning qarori bir ovozdan to'g'ri, deb hisoblandi.



5-vaziyat: Yana o'sha uchrashuv: bahsli penalti.

OKMK – "So'g'diyona" o'yinining 90+7-daqiqasida mehmonlarning 99-raqamli futbolchisi faol tarzda hujumga o'tdi va uni himoyachi to'xtatib qoldi. Bosh hakam G'ayrat Jo'raev esa yana bir bor nuqtaga ishora qildi.

Ekspert-hakamlar komissiyasi qarori: Bu vaziyatda hujumchi va himoyachi o'rtasidagi kontakt kadrlar orqali yaqqol ko'rinmagan. SHu sababdan, Ekspert-hakamlar komissiyasi hakamning qarorini qo'llab-quvvatlaydi.



6-vaziyat: "Navbahor" – "Neftchi" bahsi: bahsli penalti.

"Navbahor" – "Neftchi" o'yinining 90+1-daqiqasida mehmonlarning 9-raqamli futbolchisi raqib jarima maydonida keskin qarshilikka uchradi. U to'p uchun kurashayotgan bir vaqtda namanganliklar himoyachisi tomonidan zararsizlantirildi. Bosh hakam Aziz Asimov bu holatda penalti belgilanmasligini qayd etdi.

Ekspert-hakamlar komissiyasi qarori: Bu vaziyatda mezbonlar vakili to'pga raqibidan birinchi etib borgan va to'p uchun harakat qilgan. SHu tariqa, hakamning qarori to'g'ri, deb topildi.



7-vaziyat: Yana o'sha uchrashuv: bahsli penalti.

"Dinamo" - "Paxtakor" bahsining 12-daqiqasida mezbonlar azosi o'z jarima maydonida to'pni qo'li bilan o'ynadi. Bosh hakam Akmal Rahimov VARda holatni ko'rgach, toshkentliklar foydasiga 11 metrlik jarima zarbasi belgiladi.

Ekspert-hakamlar komissiyasi qarori: Bu holatda to'p qo'lga tekkandan so'ng yo'nalishini o'zgartirgan. Qolaversa, himoyachi ham jarima maydonida ehtiyotsizlik qilgan. Ekspert-hakamlar komissiyasi tomonidan qaror to'g'ri, deb hisoblandi.



8-vaziyat: "Dinamo" - "Paxtakor" o'yini: bahsli penalti.

"Dinamo" - "Paxtakor" uchrashuvining 17-daqiqasida endi mehmonlarning 22-raqamli futbolchisi o'z jarima maydonida to'pga qo'li bilan tegdi. Bosh hakam Akmal Rahimov esa vaziyat penaltiga tortmasligini malum qildi.

Ekspert-hakamlar komissiyasi qarori: Bu vaziyatda to'p tasodifiy tarzda himoyalangan futbolchining qo'liga tekkan va bu erda penalti uchun asos etarli emas. Ekspert-hakamlar komissiyasi tomonidan qaror to'g'ri, deb hisoblandi.



9-vaziyat: "Surxon" - "Nasaf" bellashuvi: bahsli penalti.

"Surxon" - "Nasaf" bahsining 90+1-daqiqasida nominal mezbonlarning 17-raqamli futbolchisi qarshiliklar jarima maydonida raqibi bilan to'p uchun kurashda yiqildi. Bosh hakam Ilgiz Tantashev esa VARdagi uzoq tekshiruvdan keyin vaziyat penaltiga tortmasligini qayd etdi.

Ekspert-hakamlar komissiyasi qarori: Bu holatda hujumchi qulay vaziyatga chiqib borayotgan bir vaqtda himoyachi tomonidan to'xtatib qolindi. SHuningdek, mehmonlar vakili birinchi to'pga emas, raqibning oyog'iga zarba berganini ko'rish mumkin. Bu erda penalti uchun asos etarli edi va Ekspert-hakamlar komissiyasi hakamning qarorini noto'g'ri, deb topdi.

Mazkur vaziyat sababli Ilgiz Tantashev chiqargan qaror qo'mitaga oshirildi.



10-vaziyat: "Bunyodkor" - "Lokomotiv" bellashuvi: bahsli penalti.

"Bunyodkor" - "Lokomotiv" o'yinining 55-daqiqasida mezbonlar vakili raqib jarima maydonida to'p uchun harakat qilayotgan paytda qarshilikka uchradi va maydonga yiqildi. Bosh hakam SHavkat Nasibullaev nuqtaga ishora qildi.

Ekspert-hakamlar komissiyasi qarori: Mazkur vaziyatda hujum qilayotgan futbolchi to'p uchun kurashga kirgan paytda himoyachi tomonidan to'xtatib qolindi. Agar u raqibi tomonidan ushlab qolinmaganda, gol urish uchun yaxshi imkoniyatga ega bo'lishi mumkin edi. Hakamning qarori yakdil fikr asosida to'g'ri, deb topildi.



11-vaziyat: Yana o'sha uchrashuv: bahsli penalti.

"Bunyodkor" - "Lokomotiv" bahsining 90+6-daqiqasida mezbonlarning 25-raqamli futbolchisi raqib jarima maydonida boshi bilan darvoza tomon zarba berdi. SHu vaziyatda uning boshiga raqib posboni mushti bilan zarba berdi. Bosh hakam SHavkat Nasibullaev mazkur holatda darvozabonga qizil kartochka ko'rsatdi va penalti belgiladi.

Ekspert-hakamlar komissiyasi qarori: Ushbu vaziyatda darvozabon to'pga ulgurmagan va raqibining boshiga zarba bergan. Bu erda penalti uchun asos etarli va Ekspert-hakamlar komissiyasi hakamning qarorini to'g'ri, deb topdi.


Reyting: -1   

Fikrlar

+6   
22 may 16:20:16
Arxiv.uz
Шу кумитага ойлик бергандан кура 2 та HD камера олишса бумасмикан
+4   
22 may 17:02:41
PFCNasaf (O‘zbekiston)
Танташев тўғри қарор чиқарди, Ғолиб Ғайбуллаев биринчи тўпга текканини Илгиз куриб шу хулосага келди. Энди хакамлар қумитаси мухлисларни Насафга қарши қуймоқчими?
+3   
22 may 18:16:52
Uzb 2018
Kontakt bor degani penalti degani emas.
Penalti 90 % gool degani. Nasaf futbolchisi mobodo
Toʻpga ulgurmagan bolsa ham bu vaziyat uchun penalti berish notoʻgʻri boʻlardi.
A Yevropada bunaqa vaziyatlarga umuman etibor ham berilmadi.
Bizda shunaqa mayda chuyda narsalarga ham var aralasha veradi
+3   
22 may 18:09:08
Zafar Xujanov
ShuNasaf bu tinch quymaykansilada Nasafni aybi xalqaro maydonda Uzbekistan Shanini munosib himoya qilganimi uzi turigʻri jongayam tegdilaring nasafnikini chaynab
+3   
22 may 17:53:22
Аббосхужа
Россиялик ҳакам "Сурхон" - "Насаф" ўйинидаги вазият ҳақида: "Бош ҳакам мақтовга лойиқ" деган мақола чиққан эдику бу ёғи бошқа гаплар бўлиб кетяпти, тушунмадим? Барибир! HD камералар керак ўзимизга.
+3   
22 may 16:53:06
Don K'arleon
Arxiv.uz foydalanuvchining fikriga javob berish
Шу кумитага ойлик бергандан кура 2 та HD камера олишса бумасмикан
Хатто умуман номи чиқмаган, тўйма-тўй юрадиган отарчиларнинг хам гуруҳида камида иккитадан HD камераси бор. Бизнинг бутун бошли футболда эса бу худди ечими йўқ каатта муаммодек гап. Қайси асрда яшаяпмиз ўзи хайрон қоласан
+3   
22 may 16:29:17
Шухрат Эргашев
Хакикатдан хам трансляция сифатини яхшиламасканмиз, мана шунака хакамлар 10 15 минут ВАРни куриб хам тугри карор кабул кила олмайди. Нахотки Узбекистон млрдлаб кайсидир сохаларга пул харажат килаётган вактда, яхши сифатли Футбол канал ташкил кила олмайди. Сурхон Насаф уйинида пенальти йук эди, сабаб Сурхон уйинчиси стимуляция килгандек булиб куриниб колган факт хам стимуляция эди.
+2   
22 may 22:30:40
FIFA MANAGER
Тошкентликман. Сурхон - Насаф ўйинида Танташев пеналти белгиламасдан тўғри қарор қилган. Хужумчи фаол тўхтатиб қолинмади! Кичкина контакт пеналти дегани эмас. Ўзи битта тузукроқ хакамимиз шу Танташев бўптурибди! Ўта честный хакамлиги тепадегиларга ёқмаяпти шекилли! Бу йил чемпион НАСАФ, НАВБАХОР, АНДИЖОН ёки НЕФТЧИ клублардан бири бўлса футболимизга адолат қайтганига ишонса бўлади!
+2   
22 may 18:33:08
Зулунов Абдумуталлиб Адилович
Тан оламан Андижондаги байрамни хакам бузгиси келмабди. Бу ерда қизил росдан хам бор экан. (Андижон мухлиси)
+2   
22 may 17:57:51
HAVASKOR JURNALIST
Anjanliklar nimaga jim ko'rib qo'ysin sudya ularga yon bosganini
+2   
22 may 17:56:15
Akmal
Andijon 66 o'yinchisiga pryamoy qizil bersa yaxshi bo'lardi 3 ta o'yinga qutulardik.
+2   
22 may 16:42:54
Rasul M
Барселона & Сурхон foydalanuvchining fikriga javob berish
Танташев виждонинг олдида қандай жавоб берасан. Олаётган ойлигинг халолми сенга? 15 соат йўл босиб қийналиб Сурхондарёдан Тошкентга футбол кўришга борган мухлислар қарғиши уради сени.
Sabab penalti yoq joyda penalti yoq deb qaror chiqargani uchunmi
+2   
22 may 16:28:56
Барселона & Сурхон
Танташев виждонинг олдида қандай жавоб берасан. Олаётган ойлигинг халолми сенга? 15 соат йўл босиб қийналиб Сурхондарёдан Тошкентга футбол кўришга борган мухлислар қарғиши уради сени.
+1   
22 may 20:45:57
✺➣????????.????.????????Жизнь Ворам✺➣➊
Bla yop temani naxuy buncha nasafdi kurolmasan hamang penaltiga asos yuq
+1   
22 may 18:16:54
Uzb 2018
Kontakt bor degani penalti degani emas.
Penalti 90 % gool degani. Nasaf futbolchisi mobodo
Toʻpga ulgurmagan bolsa ham bu vaziyat uchun penalti berish notoʻgʻri boʻlardi.
A Yevropada bunaqa vaziyatlarga umuman etibor ham berilmadi.
Bizda shunaqa mayda chuyda narsalarga ham var aralasha veradi
championat.asia
< so’nggi yangiliklarni ko’rish
Яндекс.Метрика