O'zbekistonlik hakamlar o'smirlar o'rtasidagi Osiyo chempionatida ishlaydi

Osiyo futbol konfederaciyasi tomonidan ushbu musobaqa uchun tayinlangan hakamlar ro'yxatidan o'zbekistonlik FIFA referisi Aziz Asimov hamda Ruslan Serzitdinov ham o'rin olgan.

Takidlash kerakki, Osiyo chempionatida O'zbekiston o'smirlar terma jamoasi ham ishtirok etadi.

O'zbekiston o'smirlar terma jamoasi Osiyo chempionatiga final bosqichiga tashlangan qura natijasiga ko'ra KXDR, Tailand hamda Yaman jamoalari bilan bir guruhdan o'rin olgan.

Olimxo'jaev shogirdlari turnirni 17 sentyabr kuni Tailandga qarshi o'yin bilan boshlaydi. 20 sentyabrda Yaman va 23 sentyabr kuni esa KXDRga qarshi maydonga tushadi.

Qita birinchiligiga tayyorgarlik jarayonini olib borayotgan O'zbekiston U-16 terma jamoasi Minsk shahriga jo'nab ketdi. O'zbekiston U-16 terma jamoasi ushbu yig'in doirasida Belarus bilan ikkita o'rtoqlik uchrashuvi o'tkazadi.

Har ikki o'yin Minsk shahrida bo'lib o'tadi. Jamoaning Belarusga qarshi o'rtoqlik uchrashuvlarining dastlabkisi 25 iyunda bo'lsa, ikkinchi o'yin 27 iyun sanasiga belgilangan. Har ikki uchrashuv mahalliy vaqt bilan 18:00da boshlanishi belgilab qo'yilgan.