O'zbekiston yoshlar terma jamoasi Markaziy Osiyo Futbol Associaciasi Kubogida ishtirok etadi

19 yoshgacha bo'lgan futbolchilardan tuzilgan terma jamoalar qatnashadigan turnirda Abduraimov shogirdlaridan tashqari Afg'oniston, Qirg'iziston, Eron, Tojikiston hamda Turkmaniston jamoalari qatnashadi. O'yinlar "Jar" hamda "Paxtakor" stadionlarida bo'lib o'tadi.

Avvalroq, ushbu musobaqa taqvimini rasmiy sayt orqali malum qilgan edik.

Osiyo  chempionatiga tayyorgarlikning so'nggi bosqichida esa yoshlar terma jamoasi Qatarda o'quv-mashg'ulot yig'inini o'tkazib, Qatar yoshlariga qarshi o'rtoqlik uchrashuvida maydonga tushadi.

Eslatib o'tamiz, 19 yoshgacha bo'lgan futbolchilar o'rtasidagi Osiyo chempionatida O'zbekiston U-19 yoshlar terma jamoasi qura natijasiga ko'ra “D” guruhidan joy olgan. Guruh bosqichida o'zbekistonlik futbolchilar Tojikiston, Avstraliya va Xitoy yoshlar jamoasi bilan kuch sinashadi.