O'zbekiston U-23 ayollar terma jamoasi Eronga qarshi 3ta o'rtoqlik o'yini o'tkazdi

Vyacheslav Soloxo bosh murabbiyligidagi O'zbekiston ayollar terma jamoasi mazkur yig'in davomida mezbon - Eron U-23 terma jamoasiga qarshi 3ta o'rtoqlik uchrashuvida maydonga tushdi.

Dastlab, 8 fevral kuni o'tkazilgan uchrashuvda O'zbekiston ayollar terma jamoasi 1:0 hisobida g'alaba qozondi. Terma jamoalar o'rtasidagi ikkinchi uchrashuv esa 10 fevral kuni o'tkazildi va bu uchrashuv ham Vyacheslav Soloxo jamoasining yirik hisobdagi g'alabasi bilan yakunlandi - 5:1. Terma jamoalar o'rtasidagi so'nggi o'rtoqlik o'yini esa 12 fevral kuni bo'lib o'tdi va unda hisob ochilmadi.

Eslatib o'tamiz, O'zbekiston U-23 ayollar terma jamoasi 11-15 mart kuni Iordaniya poytaxti Amman shahrida bo'lib o'tadigan 2016 yilgi Olimpiada o'yinlari saralashida ishtirok etadi. Mazkur saralash bahslarida O'zbekiston Iordaniya, Gongkong hamda Falastin terma jamoalariga qarshi bahs olib boradi.