O'zbekiston U-17 terma jamoasi SHotlandiya bilan durang o'ynadi

O'yinning 32 daqiqasida SHotlandiya terma jamoasi futbolchisi Etan Jeyms hisobni ochdi. Birinchi bo'lim teng kurashlar ostida o'tib, darvozalar boshqa ishg'ol qilinmadi.

Ikkinchi bo'limni futbolchilarimiz to'liq ustunlik bilan boshlashdi. O'yinning 55-daqiqasiga kelib Otabek G'ulomxo'jaev bir yo'la 3 nafar futbolchini almashtirdi. SHundan so'ng hamyurtlarimizning xujumlari yanada keskinroq tus ola boshladi. 58 daqiqada o'zbekistonliklarning xavfli xujumini shotlandiyaliklar qoidani buzgan holatda to'xtatishga majbur bo'lishdi va hakam o'yinda penalti belgiladi. Penaltini aniq bajargan Jasur Jaloliddinov hisobni tenglashtirdi. O'yin oxiriga qadar ushbu hisob o'zgarmay qoldi.

Eslatib o'tamiz, hamyurtlarimiz keyingi o'yinni 13 oktyabr kuni Belgiyaga qarshi o'tkazishsa, so'nggi o'yin 15 oktyabr kuni Franciyaga qarshi bo'lib o'tadi.

Xalqaro musobaqa
SHotlandiya – O'zbekiston 1:1
Gollar: Etan Jeyms 32, 1:0, Jasur Jaloliddinov 58, 1:1.
O'zbekiston U-17: Abduvoxid Nematov, Ulug'bek Xoshimov, Xojimat Erkinov, Odil Abdumajidov, Bexzod SHamsiev, Sunnatillo Hamidjonov, Ibrohim Xalil Yo'ldoshev, Eldor Begimov,  Ibroxim Ibragimov, Jasur Jaloliddinov, Diyor Ramazonov.
SHotlandiya U-18: Ross Endryu Sinkleyr, Natan Patterson, Din Kempbell, Lyuk Robinson, Teylor Uilson, Mark Leonard, Etan Erxaxon, Entoni MakDonalds, Eidan Fitcpatrik, Jeymi Sempl, Etan Jeyms.