O'zbekiston U-16 o'smirlar terma jamoasi Ozarbayjonga jo'nab ketadi
28 may 2014 12:57
Yangiliklar

O'zbekiston U-16 o'smirlar terma jamoasi Ozarbayjonga jo'nab ketadi

O'zbekiston U-16 o'smirlar terma jamoasi 29 may, payshanba kuni Ozarbayjonga jo'nab ketadi. Temur Olimxo'jaev qo'l ostidagi jamoa ushbu mamlakatda 5 iyunga qadar davom etadigan Kaspiy Kubogi musobaqasida ishtirok etadi.

Musobaqa guruh bosqichida O'zbekiston U-16 o'smirlar terma jamoasi Turkiya va Qozog'iston terma jamoalariga qarshi to'p suradi. Olimxo'jaev shogirdlari dastlabki o'yinni 30 may, juma kuni Qozog'istonga qarshi o'tkazsa, 1 iyun, yakshanba kuni Turkiya raqib bo'ladi.

Musobaqada jami 12 terma jamoa ishtirok etib, ularning aksariyatini 17 yoshgacha bo'lgan o'smirlar terma jamoalari tashkil etadi. Faqat O'zbekiston va Ozarbayjon terma jamoalari musobaqada 16 yoshgacha bo'lgan o'smirlar termasi bilan ishtirok etadi.

Olimxo'jaev Ozarbayjondagi xalqaro musobaqa uchun jami 18 nafar futbolchini saralab oldi. Ularning ikki nafari darvozabon, besh nafari himoyachi, olti nafari yarim himoyachi besh nafari hujumchidir.

Kaspiy Kubogi O'zbekiston U-16 o'smirlar terma jamoasining sentyabr oyida Tailandda tashkil etilishi kutilayotgan Osiyo chempionatiga tayyorgarligining bir qismidir. Ushbu musobaqa final bosqichi S guruhida Kuvayt, Nepal va KXDR o'smirlariga qarshi to'p suradi.

Kaspiy Kubogi-2014
A guruhi: Ozarbayjon (U-17), Afg'oniston Bolgariya;
V guruhi: Ozarbayjon (U-16), Qirg'iziston, Eron;
S guruhi: Yaponiya, Gruziya, Tojikiston;
D guruhi: Turkiya, O'zbekiston (U-16), Qozog'iston.

30 may. O'zbekiston - Qozog'iston
1 iyun. Turkiya – O'zbekiston

O'zbekiston U-16 o'smirlar terma jamoasining Kaspiy Kubogi-2014da ishtirok etuvchi tarkibi

#	Familiyasi, ismi	Tug'.yil	Ampluasi	Klubi	SHahar
1.	Xo'jaev Akrom	1998	Darvozabon	Bunyodkor	Toshkent
2.	Ergashev Umid	1998	Darvozabon	Nasaf	Qarshi
3.	Avilov Xushnud	1998	Himoyachi	ROZK - Paxtakor	Andijon
4.	G'ofurbekov SHahzodbek	1998	Himoyachi	Yangier	Yangier
5.	Usmonov Burxon	1998	Himoyachi	Bunyodkor	Toshkent
6.	SHaripov Rahim	1998	Himoyachi	Mashal	Namangan
7.	Alijonov Ilhom	1998	zashhitnik	Mashal	Andijon
8.	Maqsudov Jahongir	1998	Yarim himoyachi	Mashal	Muborak
9.	Abdumajidov Muhammad Yusuf	1998	Yarim himoyachi	Bunyodkor	Andijon
10.	Kenjaboev Islom	1998	Yarim himoyachi	Nasaf	Navoiy
11.	Nurulloev Suhrob	1998	Yarim himoyachi	ROZK - Paxtakor	Buxoro
12.	Egamberdiev Mirzohid	1998	Yarim himoyachi	Neftchi	Farg'ona
13.	Ochilov Muhammad	1998	Yarim himoyachi	Qizilqum	Navoiy
14.	G'aniev Azizjon	1998	Hujumchi	Nasaf	Jizzax
15.	Ko'chimov Jonibek	1998	Hujumchi	Dinamo	Samarqand
16.	G'anijonov Abdug'ani	1998	Hujumchi	ROZK - Paxtakor	Andijon
17.	Mahmudhojiev SHohruh	1998	Hujumchi	ROZK-Paxtakor	Namangan
18.	Fayzullaev Amin	1998	Hujumchi	Registon	Samarqand