O'zbekiston U-15: Eronga yutqazdi, "Tokio" bilan durang

Yaponiya hamda Markaziy Osiyo mamlakatlari futbol federaciyalari hamkorligidagi 15 yoshgacha bo'lgan futbolchilar uchun mo'ljallangan dastur asosida shu yilning 25-29 mart mart kunlari bo'lib o'tadigan xalqaro musobaqada 10ta jamoa ishtirok etmoqda. Ular ikki guruhga bo'lingan. Bu haqda O'FFning tvitterdagi rasmiy sahifasi xabar berdi.

“A” guruhi: Tojikiston, “Tokio” FK, Qirg'iziston, Turkmaniston, JFAfutbol akademiyasi

“B” guruhi: O'zbekiston, “Kioto Sanga” FK, Afg'oniston, Eron, Yaponiya

Temur Olimxo'jaev boshchiligidagi O'zbekiston U-15 terma jamoasining guruh bosqichidagi o'yin natijalari bilan tanishing:

25 mart:
O'zbekiston – “Kyoto Sanga” 1:0
Yaponiya – O'zbekiston 4:0

26 mart:
O'zbekiston – Afg'oniston 0:0

27 mart:
O'zbekiston – Eron 0:3

Guruhda to'rtinchi o'rinni olgan jamoamiz 7-o'rin uchun bahsda “Tokio”ga qarshi o'ynadi. Uchrashuv 3:3 hisobi bilan yakunlandi.

O'zbekiston U-15 - "Tokio" 3:3
O'zbekiston U-15: Davron Toshpo'latov, SHukurullo Ashirov, Mahmudjon Qudratillaev, Jasurbek Umrzoqov, SHohzamon Xayrullaev, Abubakr Mo'ydinov, Ibrohim Turg'unboev, Muhammadalie Nomozov, Ixtiyor Xoldorov, Bahromjon Soatov, Daler Mirzaxo'jaev, Asadbek Sobirjonov, Oston O'runov, Burxon Hasanov, Rasul Yo'ldoshev, Ibrohim Halilov, SHuhrat Nematov, Abdulhay Ismoilov, Ibrohim G'anixonov.


Musobaqaning finalida Tojikiston va Eron to'qnash kelishdi. Unda penaltilar seriyasida forslar g'olib chiqishdi. Yaponiya uch, Qirg'iziston to'rtinchi o'rinni band etdi.

Eslatib o'tamiz, Temur Olimxo'jaev bosh murabbiyligidagi O'zbekiston U-15 terma jamoasi 12-20 sentyabr kunlari bo'lib o'tadigan U-16 o'smirlar o'rtasidagi OCH saralash bahslarida ishtirok etadilar.