O'zbekiston OTJ Ispaniyadagi yig'in doirasida SHveycariya klubi bilan nazorat uchrashuvi o'tkazdi

Bugun Lyubinko Drulovich shogirdlari "La Finca" stadionida SHveycariyaning "Delemon" klubiga qarshi nazorat uchrashuvi o'tkazishdi. O'yin 2:2 hisobidagi durang bilan yakuniga etdi. Terma jamoamiz 0:2 hisobida ortda bora turib, keyin hisobni tenglashtirishga muvaffaq bo'ldi.  O'zbekiston olimpiya terma jamoasi tarkibida gollarga Islom Qobilov va Bobur Abduxoliqovlar mualliflik qilishdi. Hisob tenglashgandan keyin ustunlik biz tomonga o'tdi. Ko'p vaziyatlarda terma jamoamiz azolari tomonidan uyushtirilgan xavfli hujumlar raqibni shoshirib qo'ydi. SHuningdek, hakam tomonidan "Delemon" klubi darvozasiga belgilangan penaltini golga aylantira olmaganimizni ham takidlab o'tish zarur.

Endilikda 21 fevral kuni O'zbekiston olimpiya terma jamoasi "Lokomotiv Tbilisi" jamoasiga qarshi nazorat o'yini o'tkazadi, deya malumot berdi O'FA matbuot xizmati.

Eslatib o'tamiz, O'zbekiston olimpiya terma jamoasi shu yilning mart oyida kelasi yil Taylandda bo'lib o'tadigan Osiyo chempionati saralashida qatnashadi. Saralash bahslari Toshkentda o'tkazilib, terma jamoamiz azolari Osiyo chempionati yo'llanmasini qo'lga kiritish uchun Tojikiston, Hindiston va Pokiston terma jamoalariga qarshi bahs olib borishadi.