O'zbekiston o'smirlar terma jamoasi Minskka jo'nab ketdi
24 iyu 2016 11:02
Yangiliklar

O'zbekiston o'smirlar terma jamoasi Minskka jo'nab ketdi

SHu yilning 15 sentyabr - 2 oktyabr sanalari davomida Hindistonda bo'lib o'tadigan o'smirlar o'rtasidagi Osiyo chempionatiga tayyorgarlik ko'rayotgan O'zbekiston U-16 terma jamoasi Belarus bilan ikkita o'rtoqlik uchrashuvi o'tkazadi.

O'smirlar terma jamoamiz Minsk shahriga uchib ketdi. Temur Olimxo'jaev boshchiligidagi terma jamoaning Belarusga qarshi o'rtoqlik uchrashuvlarining dastlabkisi 25 iyunda bo'lsa, ikkinchi o'yin 27 iyun sanasiga belgilangan. O'yinlar Minsk shahrida bo'lib o'tadi. Har ikki uchrashuv mahalliy vaqt bilan 18:00da boshlanishi belgilab qo'yilgan.

Eslatib o'tamiz, O'zbekiston o'smirlar terma jamoasi Osiyo chempionatiga final bosqichiga tashlangan qura natijasiga ko'ra KXDR, Tailand hamda Yaman jamoalari bilan bir guruhdan o'rin olgan.

Olimxo'jaev shogirdlari turnirni 17 sentyabr kuni Tailandga qarshi o'yin bilan boshlaydi. 20 sentyabrda Yaman va 23 sentyabr kuni esa KXDRga qarshi maydonga tushadi.

Havola :

Manba : championat.asia

Yangiliklarni Telegramda o'qing!

Reyting: +3