O'zbekiston o'smirlar terma jamoasi birinchi o'yinda Belarusga mag'lub bo'ldi

Ushbu yig'in doirasida Temur Olimxo'jaev boshchiligidagi O'zbekiston U-16 terma jamoasi Belarus o'smirlariga qarshi ikkita o'rtoqlik o'yini o'tkazish borasida kelishuvga erishgandi. 25 iyun kuni O'zbekiston hamda Belarus o'smirlar terma jamoalari o'rtasidagi dastlabki o'yin bo'lib o'tdi. Unda Olimxo'jaev shogirdlari 1-2 hisobida mag'lubiyatga uchradi.

O'zbekiston o'smirlari kiritgan yagona gol muallifi - Oston O'runov bo'ldi.

27 iyun kuni ushbu jamoalar o'rtasidagi ikkinchi nazorat uchrashuvi bo'lib o'tadi. Minskda bo'ladigan uchrashuv mahalliy vaqt bilan 18:00da boshlanishi belgilangan.

Eslatib o'tamiz, O'zbekiston o'smirlar terma jamoasi Osiyo chempionatiga final bosqichiga tashlangan qura natijasiga ko'ra KXDR, Tailand hamda Yaman jamoalari bilan bir guruhdan o'rin olgan.

Olimxo'jaev shogirdlari turnirni 17 sentyabr kuni Tailandga qarshi o'yin bilan boshlaydi. 20 sentyabrda Yaman va 23 sentyabr kuni esa KXDRga qarshi maydonga tushadi.

O'rtoqlik uchrashuvi.

25.06.2016, Minsk.

Belarus U-16 - O'zbekiston U-16 2:1

O'zbekiston goli: Oston O'runov

O'zbekiston o'smirlar terma jamoasi tarkibi: X. Jo'raev, I. Karimov, I. Xoldorov, A. Mo'ydinov, M. Abdullaev, O. O'runov, B. Soatov, SH. Nematov, A. Sobirjonov, R. Yo'ldoshev, D. Abdumo'minov.