O'zbekiston MTJ o'quv-mashg'ulot yig'iniga chaqirilgan futbolchilar ro'yxatida o'zgarish yuz berdi

3-10 avgust kunlari bo'lib o'tishi rejalashtirilgan mazkur yig'inga “Paxtakor” klubining 13 nafar azosi chaqirilgan edi.

Biroq bugun olingan so'nggi test natijalariga ko'ra ushbu futbolchilar orasida koronavirus infekciyasi aniqlanganlar borligi malum bo'ldi. Terma jamoa murabbiylar shtabi boshqa o'yinchilarni sog'ligini xavf ostida qoldirmaslik maqsadida “Paxtakor” klubi vakillarini yig'ingan jalb etmaslikka qaror qildi.

SHu sababli, quyidagi futbolchilar milliy terma jamoamizning keyingi haftadagi yig'iniga kelib qo'shiladi:

Abbos Otaxonov ("Metallurg"), Ibrohimhalil Yo'ldoshev ("Bunyodkor"), Iskandar SHayqulov ("So'g'diyona"), Hojimat Erkinov (AGMK), Oybek Rustamov ("Qo'qon-1912"), Abbosjon G'ulomov ("Navbahor"), Quvondiq Ro'ziev ("Qo'qon-1912"), Jasur Hasanov ("Sog'diyona"), Temurxo'ja Abduxoliqov ("Lokomotiv")

Malumot o'rnida, terma jamoa shifokori barcha klub shifokorlari orqali chaqiruv olgan futbolchilarning sog'ligi haqida muntazam xabardor bo'lib turibdi.

SHuningdek, mazkur yig'in avvalidan terma jamoa to'liq tibbiy ko'rikdan o'tkaziladi. Yurtimizdagi epidemiologik vaziyatni inobatga olgan holda, mashg'ulotlar yopiq tarzda o'tkaziladi.