O'zbekiston Kubogi yarim finali prevyusi: "Paxtakor" - "Bunyodkor"

"Paxtakor" unda "Bunyodkor"ni qabul qiladi. Jamoalar o'rtasidagi poytaxt derbilari hamisha keskin va qiziqarli o'tib keladi. Oxirgi paytlarda har ikki jamoa yaxshi holatga kirib bormoqda. Kubok bahslarida "Paxtakor" va "Bunyodkor" qarama-qarshiligi 5 marta kuzatilgan. SHundan 3tasi finalda va 2tasi yarim finalda. 2007 yil finalda "Paxtakor" penaltilar seriyasida zafar quchgan - 7:6. 2008 yil "Bunyodkor" 3:1 hisobida g'alabaga erishgan bo'lsa, 2009 yil "Paxtakor" kichik hisobda muvaffaqiyatga erishgan. 2012 yil yarim finallarda 1:1 va 3:1 hisoblari qayd etilib, raqib final yo'llanmasiga ega chiqqan.

Bellashuvni Viktor Serazetdinov boshchiligidagi hakamlar guruhi boshqaradi. Ushbu referi bu mavsumda 2 o'yinimizni boshqardi. Ularda "Mashal" va "Navbahor" dog'da qoldirildi.

"Paxtakor" - "Bunyodkor" uchrashuvi 12 avgust, chorshanba kuni soat 19:00da "Paxtakor" stadionida boshlanadi. CHiptalarni stadion kassalaridan 5 va 15 ming so'mdan xarid qilishingiz mumkin.

"PAXTAKOR" - "BUNYODKOR"

Hakamlar: Viktor Serazetdinov (Toshkent), Mamur Saidqosimov (Toshkent), Andrey Capenko (Toshkent viloyati), Murod Muhammedov (Toshkent viloyati).

Nazoratchi: Alisher Abdullaev (Toshkent).