O'zbekiston kubogi. "Paxtakor" - "Qo'qon-1912" 4:0

Uchrashuvning 2-daqiqasida mehmonlar burchak to'pini amalga oshirishdi, Lobanov o'zini ko'rsatdi.

8-daqiqada SHerzod Karimov o'ng qanotdan to'pni jarima maydoniga oshirdi, Kozak to'pni to'xtatishga xatoga yo'l qo'ydi. Imkoniyat boy berildi.

9-daqiqada hisob ochildi. Maxaradze tomonidan oshirib berilgan to'p uzatishidan so'ng Merzlyakov raqib himoyachisidan qochib ketib darvozaning uzoq burchagini aniq nishonga oldi - 1:0.

13-daqiqada Karimovning oshirib bergan to'pini Masharipov 4 metr masofadan darvozaning tepasiga tepib yubordi.

15-daqiqada Sergeev yaqin masofadan darvozaga juda kuchsiz zarba berdi, Baklanov to'pni ushlab oldi.

17-daqiqada mehmonlarning ilk qarshi hujumi, Otabek Haydarov to'pni o'zidan uzoqlashtirib yubordi va hujum to'xtadi.

22-daqiqada Rahmtullo Meliboev o'ng qanotdan oldinga o'tdi va to'pni jarima maydoniga oshirdi, Umid Qodirovning zarbasi o'xshamadi.

26-daqiqada "Qo'qon-1912" futbolchilari burchak to'pini amalga oshirdi, Xurshid Uzoqboevning boshi bilan yo'llagan zarbasi noaniq ketdi.

30-daqiqada Kozak to'pni jarima maydoniga oshirdi, Masharipov va Sergeevning zarbalaridan so'ng Baklanov qahramonlik ko'rsatib to'pni qaytardi.

32-daqiqada Jamshid Boltaboev chamasi 30 metrlardan darvozaga zarba berdi, noaniq.

38-daqiqada Meliboevning o'ng qanotdan oshirgan to'pini Haydarov darvozaga yo'llay olmadi.

41-daqiqada Masharipov o'rniga Andreev tushdi.

Birinchi bo'lim yakunlandi.

Ikkinchi bo'lim boshlandi.

49-daqiqada Davron Mamatov tomonidan 30 metrlardan yo'llangan zarba noaniq chiqdi.

"Qo'qon-1912" muxlislari ajoyib muhitni yuzaga keltirishmoqda. Ular qo'llaridagi telefon chiroqlarini yoqib ajoyib manzarani yuzaga keltirishmoqda.

56-daqiqada Andreev to'pni chap qanotdan jarima maydoniga uzatdi, Sergeevning zarbasidan so'ng to'pni Baklanov qaytardi!

58-daqiqada Aziz To'xtaboevning zarbasidan so'ng to'p darvoza ustuni yonidan o'tib ketdi.

59-daqiqada Sergeevning pasidan so'ng Andreev jarima maydoni ichidan turib chap oyoqda darvozani ishg'ol qildi - 2:0.

63-daqiqada SHerzod Karimov jarima maydoni ichiga kirib borib bo'sh turgan Kozakka to'pni oshirdi, Vladimir yaqin masofadan adashgani yo'q - 3:0.

74-daqiqada Otabek Haydarov qulay imkoniyatdan foydalana olmadi.

80-daqiqada Boltaboev uzoq masofadan kuchli zarba bilan darvozani ishg'ol qilmoqchi bo'ldi, noaniq.

83-daqiqada Nodir Qo'ziboev belgilangan jarima to'pini amalga oshirdi. Uning zarbasidan so'ng to'pni Lobanov qiyinchilik bilan ikkinchi urinishda ushlab qoldi. 

89-daqiqada SHerzod Karimov chap qanotdan to'pni jarima maydoniga oshirdi. Baklanov to'pni qaytarishda xatoga yo'l qo'ydi, uni ortida turgan Anvar Soliev boshi bilan darvozani ishg'ol qildi - 4:0.

O'yin 4:0 hisobida "Paxtakor"ning g'alabasi bilan tugadi. "SHerlar" chorak finalda "Oq-tepa" - "Xotira" juftligi g'olibiga qarshi o'ynashadi.


Paxtakor (Toshkent) – Qo'qon-1912 (Qo'qon) 4:0
Hakamlar: R. Ermatov (Toshkent), A. Rasulov (Toshkent), B. Qo'chqorov (Qirg'iziston), V. Serazetdinov (Toshkent)
Nazoratchi: A. Popov (Toshkent).

GOL: Aleksandr Merzlyakov 9, Stanislav Andreev 59, Vladimir Kozak 64, Anvar Soliev 89

"Paxtakor": Aleksandr Lobanov, Aleksandr Merzlyakov, Boyan Miladinovich, Kamoliddin Tojiev (Murod Xolmuhammedov, 65), Jamshid Boltaboev, Akbar Ismatullaev, Kaxi Maxaradze, SHerzod Karimov, Vladimir Kozak, Jaloliddin Masharipov (Stanislav Andreev, 41), Igor Sergeev (Anvar Soliev, 72)
Zaxira: Nikita Ribkin, Timur Hakimov, Abbos Maxsitaliev, Muhsin Ubaydullaev

"Qo'qon-1912": Andrey Baklanov, Aziz Madaliev, Rahmatullo Meliboev, Xurshid Uzoqboev, Bahodir Akramov, Otabek Haydarov, Umid Qodirov, Maruf Zokirjonov (Rustam Abduhamidov, 66), Aziz To'xtaboev (Nodir Qo'ziboev, 81), Jalil Kimsanov, Davron Mamatov (Rustam Ashurmatov, 69).
Zaxira: Aziz Ashurov, Avazxon Mamatxo'jaev, Laziz Safoev, Aleksandr Kritinin.

Ogohlantirishlar: Murod Xolmuhammedov 65

Birinchi o'yin: 0:0