O'zbekiston kubogi. "Olmaliq" - "Qizilqum" 6:0 yoxud "Olmaliq" chorak finalda

O'yinning 9-daqiqasida chap qanotdan Abduqahhor Hojiakbarov uzatgan to'pni Zafar qiyinchiliksiz darvozaga yo'llab, hisobni ochdi 1:0.

11-daqiqada Samandar SHodmonov o'ng qanotdan to'pni SHishelovga uzatgandi. Ammo himoyachilar chaqqonroq harakat qildilar va xavfni bartaraf etishdi.

31-daqiqada jarima maydonchasidan uncha uzoq bo'lmagan nuqtada "Qizilqum" o'yinchisi qoidani buzdi. Dilyaver Abibullaevning havolatib tepgan to'pini himoyachilar katta qiyinchilik bilan qaytardi.

38-daqiqada SHohnazarov jarima maydonchasi ichkarisida o'yin qoidasini buzdi. Hakam 11 metrlik nuqtani ko'rsatdi. SHerzod Hakimov penaltini golga aylantirdi - 2:0.

40-daqiqada Samandar SHodmonovning 20 metrlardan yo'llagan zarbasi ancha noaniq chiqdi.

42-daqiqada SHakir Zuagi bilan maydon markazida to'qnashib ketgan "Qizilqum" vakili Samandar SHodmonovga bosh hakam qizil kartochka ko'rsatdi.

Birinchi bo'lim tugadi.

Ikkinchi bo'lim boshida zafar Polvonovning pasidan so'ng, mehmonlar darvozasi uchinchi bor ishg'ol etildi - 3:0.

51-daqiqada Zafar Polvonov to'pni darvozaga yo'lladi. To'p darvoza to'siniga tegib maydonga qaytdi. Ammo yon qanot hakami SHerzodni o'yindan tashqari vaziyatda qolgan deb topdi.

60-daqiqada himoyachilarni ortda qoldirgan Vladimir SHishelov darvoza tomon kuchli zarba berdi. Maqsatmurot SHomurodov mahorat ko'rsatib, xavfni bartaraf etdi.

63-daqiqada himoyachilardan qaytgan to'pni Abibullaev darvozbon ustidan oshirib, darvozaga yo'lladi - 4:0.

70-daqiqada SHerzod Hakimov pasidan keyin Jo'raev konchilar darvozasiga beshinchi to'pni kiritdi - 5:0.

81-daqiqada "Qizilqum" himoyachisi Azizbek Usmonov kutilmaganda o'z darvozasini ishg'ol etdi - 6:0.

Uchrashuv mana shu hisob bilan tugadi va "Olmaliq" ikki o'yin natijasiga ko'ra 7:2 hisobida g'alaba qozonib chorak finalga yo'llanma oldi.

Keyingi bosqichda Igor SHkvirin shogirdlari "Bunyodkor" bilan to'qnash kelishadi.


"Olmaliq" (Olmaliq) - "Qizilqum" (Navoiy) 6:0

Hakamlar: Dmitriy Pislegin (Toshkent), Bahodir Qodirov (Buxoro), Abdurahmon Qo'ldoshev (Buxoro), Vadim Agishev (Toshkent).
Nazoratchi: Vyacheslav Valickiy (Toshkent).

GOL: Zafar Polvonov 9, 46, SHerzod Hakimov 39 penalti, Dilyaver Abibullaev 63, Sarvarjon Jo'raev 70, Azizbek Usmonov 81 o'z darvozasiga.

"Olmaliq": Maqsatmurod SHomurodov, Abduqahhor Hojiakbarov, SHaker Zuagi, Zafar Polvonov, Obid Jo'raboev, Dilyaver Abibullaev, SHerzod Hakimov (Doston Abdurahmonov, 73), Darko Stanoevich, Aleksandr Alempievich, Iqboljon Akramov (Sarvarjon Jo'raev, 67), Diyor Turopov (Azamat Isroilov, 62).
Zaxira: Umidjon Xonimqulov, Temur Kagirov, Zohir Pirimov, SHarif Mirzaev.

"Qizilqum": Artyom Makosin, Akmal Xoliqov, Jamshid SHohnazarov (G'ayrat Jumaev, 55), Fayzullo Qambarov (Akmal Rustamov, 54), Mirjalol Qurbonov, Azizbek Usmonov, Farruh Haydarov, SHerali Jo'raev, Samandar SHodmonov, Eldor Boymatov, Vladimir SHishelov (Alisher Xoliqov, 79).
Zaxira: Alisher Sanaev, Asqarjon Muhiddinov.

Ogohlantirishlar: Fayzullo Qambarov 20, Eldor Boymatov 35, Iqbol Akramov 45+1, Obid Jo'raboev 64, G'ayrat Jumaev 84

CHetlatish: Samandar SHodmonov 42

Birinchi o'yin: 1:2