O'zbekiston kubogi. Finalda avtogol urgan futbolchilarni bilasizmi?

Bu musobaqa tarixidagi 30-final hisoblanadi. Ortda qolgan 28 o'yinda muxlislar jami 77 gol ko'rishgan. Ularning 36 tasi "Paxtakor" vakillari tomonidan urilgan bo'lsa, boshqa jamoalarning statistikasi quyidagicha: "Bunyodkor" — 10, "Neftchi" — 8, "Nasaf" — 7, "Do'stlik" — 4, AGMK, "Lokomotiv" va "Navbahor"da 3 tadan, "Traktor" — 2, "Dinamo" — 1. 

"Temiryo'lchi" (hozirgi "Qo'qon-1912"), MHSK, "Yangier", "Mashal" va "SHo'rtan" futbolchilari esa o'zlari ishtirok etgan final bahslarida maydonni golsiz tark etishgan.

Xet-trik

Kubok finallari tarixidagi yagona xet-trik "Paxtakor" etakchisi Dragan CHeranning nomiga yozilgan. U 2019 yil AGMK darvozasiga 3 ta gol urgan edi.

Dubllar

O'zbekiston kubogining hal qiluvchi bahslarida 11 nafar futbolchi dublga erishgan: Andrey Akopyanc (1997), Jafar Irismetov (2000), Leonid Koshelov (2001), Gochkuli Gochkuliev (2002), Anvar Soliev (2008), Irakli Klimiashvili (2011), Oleksandr Pishur (2013), Yovan Jokich (2018), Dragan CHeran (2020).

Avtogol

Finallar tarixidagi atigi 3 ta avtogol bor. 2002 yil "Paxtakor" bilan o'yinda "Neftchi" futbolchisi Sergey Lebedev o'z darvozasiga 2 ta gol urgani holda tarixga kirgan edi. SHuningdek, SHerzod Azamov ham bir gal shu xatoga yo'l qo'ygan (2015, "Nasaf" tarkibida).

FAKT: SHerzod Azamov kubok finalida ham raqib, ham o'z darvozasini ishg'ol qilib qo'ygan tarixdagi yagona futbolchi.

Finalda gol urgan barcha futbolchilar

5 - Dragan CHeran, Anvar Soliev

4 - Leonid Koshelev

3 - Avtogol (Sergey Lebedov - 2, SHerzod Azamov) 

2- Mirjalol Qosimov, No'mon Hasanov, Rustam Do'rmonov,  Akopyanc Andrey, Gochguliev Gochguli, Jafar Irismetov, Server Jeparov, Jasur Hasanov, Irakli Klimiashvili, Oleksandr Pishur, Yovan Jokich.

1- Rifat Galeev, Ravshan Bozorov, Aleksey Vinnikov, Knyazev Vyacheslav, Farid Habibulin, Oybek Usmonxo'jaev, Azamat Abduraimov, SHuhrat Rahmonqulov, Abduqahhor Marufaliev, Anvar Berdiev, Sergey Ni, Muxtor Qurbonov, Akmal Xolmatov, Zayniddin Tojiev, Dilshod Mavlonov, Vladimir SHishelov, Timur Ayzatulov, Bayramov Renat, Ixeruome Uche, Odil Ahmedov, Stanislav Andreev, Stevica Ristich, Aleksandr Kleckov, Jahongir Jiyamurodov, SHavkat Salomov, Kamoliddin Murzoev, Viktor Karpenko, Ilhom Yunusov, SHerzod Azamov, Artur Gevorkyan, Temurxo'ja Abduxoliqov, Marat Bikmaev, Isma Gonsalvesh, Zohir Pirimov, Jaloliddin Masharipov, Odiljon Hamrobekov, Bahrom Abdurahimov, G'olib G'aybullaev.

Fakt: Bo'lajak bahsda maydonga tushadiganlardan faqatgina Yovan Jokich, Stanislav Andreev, G'olib G'aybullaev hamda Bahrom Abdurahimovning finallarda gol urish bo'yicha tajribasi bor.

Muallifning telegramdagi kanali → FR| futbol ANALIZI