O'zbekiston - Iordaniya o'yini 4 sentyabr kuni bo'lib o'tadi

Unga ko'ra, 3 sentyabr kuni bo'lib o'tishi kerak bo'lgan o'rtoqlik uchrashuvi Iordaniya terma jamoasining iltimosiga ko'ra 4 sentyabrga ko'chirildi.

Iordaniya Futbol Uyushmasi vakillari terma jamoa futbolchilarining yig'in sanasi o'zgargani tufayli O'FFdan ushbu o'yinni bir kunga ko'chirilishini iltimos qilgan. O'FF terma jamoalar markazi mazkur iltimosni qondirgan.

SHu tariqa, O'zbekiston va Iordaniya terma jamoalari o'rtasidagi uchrashuv 4 sentyabr kuni Toshkentdagi Paxtakor stadionida bo'lib o'tadi. Eslatib o'tamiz, 8 sentyabr kuni shuningdek O'zbekiston va Yangi Zelandiya terma jamoalari o'rtasidagi o'rtoqlik uchrashuvi bo'lib o'tadi. Mazkur uchrashuv ham "Paxtakor" stadionida bo'lib o'tadi.