O'zbekiston - Ekvatorial Gvineya uchrashuvi chiptasi bilan O'zbekiston - Suriya uchrashuviga kirish mumkin bo'ladi
03 iyu 2016 21:37
Yangiliklar
![](https://championat.asia/upload/storage/210256_original.jpg)
![](/upload/storage/210256_220.jpg)
O'zbekiston - Ekvatorial Gvineya uchrashuvi chiptasi bilan O'zbekiston - Suriya uchrashuviga kirish mumkin bo'ladi
O'zbekiston Futbol Federaciyasi ishqibozlarning talab va istaklaridan kelib chiqqan holda bekor qilingan o'rtoqlik o'yinining chiptasini Suriyaga qarshi o'yin uchun haqiqiy deb elon qiladi.
O'zbekiston-Ekvatorial Gvineya uchrashuviga sotib olingan chiptalarni avgust oyida “Bunyodkor” stadioni kassalarida O'zbekiston-Suriya o'yinining chiptasiga almashtirish mumkin. Almashtirish asnosida faqat chiptaning o'zi bo'lishi kifoya qiladi.
Buning uchun qo'lida O'zbekiston-Ekvatorial Gvineya o'yinining chiptasi bor ishqiboz 1 sentyabr kuni bo'lib o'tadigan O'zbekiston va Suriya o'rtasidagi o'yin arafasida “Bunyodkor” stadionining maxsus kassasiga kelib, chiptasini O'zbekiston-Suriya o'yini chiptasiga almashtiradi. Almashtirilayotgan chipta qaysi sektor va joyga sotib olingan bo'lsa, o'sha sektor va joy ko'rsatilgan yangi chipta beriladi. Demak, 1 sentyabrdagi o'yin uchun Ekvatorial Gvineyaga qarshi o'yinga sotilgan joylarga chipta sotilmaydi va u faqat eski chiptaga almashtirib beriladi.
CHiptani almashtirish tartibi Suriyaga qarshi uchrashuv arafasida qo'shimcha elon qilinadi.
SHu bilan birga chiptani almashtirmay, pulini qaytarishni istagan ishqibozlar o'rnatilgan tartibda “Bunyodkor” stadioni mamuriyatiga murojaat qilishlari mumkin.
O’xshash yangiliklar
![AMP Logo](https://championat.asia/image/logo-amp.png)
Fikrlar