O'zbekiston ayollar termasi ikkinchi o'yinida ham BAAni yirik hisobda mag'lubiyatga uchratdi
13 mar 2017 09:59
Yangiliklar
![](https://championat.asia/upload/storage/244554_original.jpg)
![](/upload/storage/244554_220.jpg)
O'zbekiston ayollar termasi ikkinchi o'yinida ham BAAni yirik hisobda mag'lubiyatga uchratdi
Mazkur bellashuvda SHerali Boboqulov shogirdlari 5:0 hisobida g'alaba qozondi. Gollarga Mahliyo Sarikova, Lianna Narbekova, Lyudmila Karachik, Dildora Nozimova, Mahfuza Turopova mualliflik qildi.
O'zbekiston ayollar terma jamoasi 9 mart kuni o'tkazilgan o'rtoqlik uchrashuvida BAA termasini 8:1 hisobida mag'lubiyatga uchratgan edi. Mazkur uchrashuvlar har ikki terma jamoa uchun Osiyo Kubogi–2018 saralash bosqichidagi ishtirokiga tayyorgarlik vazifasini o'taydi.
O'zbekiston ayollar terma jamoasi Osiyo Kubogi–2018 saralash bosqichi “B” guruhidan joy olgan bo'lib, final bosqichiga chiqish uchun Janubiy Koreya, Gonkong, Hindiston va KXDR ayollar termasiga qarshi bahs olib boradi. Saralash bosqichiing “B” guruhi uchrashuvlari 3–11 aprel kunlari KXDRda bo'lib o'tadi.
SHerali Boboqulov qo'li ostidagi terma jamoa 14 mart kuni Toshkent shahriga qaytib keladi.
O'rtoqlik uchrashuvi
BAA, Dubay
12 mart, yakshanba
BAA – O'zbekiston - 0:5
Gollar: Sarikova, Narbekova, Karachik, Nozimova, Turopova.
O'zbekiston: Maftuna Jonimkulova, Kamola Risqieva (Dildora Nozimova), Holida Dadaboeva, Zumrad Nazarova (Maftuna SHoyimova), Mavluda Munavvarova (Yulduz Nabieva), Nozima Kamoltoeva (Iroda Turdalieva), Mahfuza Turopova, Feruza Turdibaeva, Mahliyo Sarikova (Umida Zoirova), Lianna Narbekova (Nilufar Qudratova), Lyudmila Karachik.
O’xshash yangiliklar
![AMP Logo](https://championat.asia/image/logo-amp.png)
Fikrlar