O'zbek futbolchilari ko'p maosh oladimi? (evrofutbol bilan solishtiramiz)
05 apr 2021 19:10
Yangiliklar

O'zbek futbolchilari ko'p maosh oladimi? (evrofutbol bilan solishtiramiz)

Futbol - jamiyatimizda eng ko'p muhokama qilinadigan sohalardan biri.

Aksar kishilar unga tanqidiy ko'z bilan qarashi ham hech kimga sir emas. Bazan futbolchilarga o'z darajasiga nisbatan yuqori maosh to'lanishi haqida gapirib, nolishganini ham eshitib qolamiz. Xo'sh, aslida ham shundaymi?

Ushbu savolga javob topish uchun O'zbekiston Superligasida to'p tepadigan bir necha nafar futbolchi bilan suhbatlashib ko'rdik. Quyida "Paxtakor" jamoasining nomi oshkor qilinishini istamagan vakilining maoshi (mukofot pullari hisobga olinmagan) haqidagi malumotlarni keltiramiz.

Demak, uning yillik maoshi - 152 400 000 (bir yuz ellik million to'rt yuz ming) so'm. Oylik maoshi esa - 12 700 000 (o'n ikki million etti yuz ming) so'm. Yani u kuniga 417 534 (to'rt yuz o'n etti ming besh yuz o'ttiz to'rt) so'm ishlab topadi. Bu soatiga 17 397 (o'n etti ming uch yuz to'qson etti) so'mga to'g'ri keladi.

Endi esa dunyoning eng kuchli himoyachilaridan biri Virjil van Deykning daromadi haqidagi malumotlarni keltiramiz.

Niderlandiyalik futbolchining yillik maoshi 178 739 513 964 (bir yuz etmiz sakkiz milliard...) so'mni tashkil qiladi. U oyiga 14 894 959 497 (o'n to'rt milliard...), kuniga 496 498 649 (to'rt yuz to'qson olti million...) daromad qiladi. Eng qizig'i, "Liverpul" futbolchisining daromadi soatiga 20 687 352 (yigirma million...) so'mni tashkil qiladi.

Endi ikkalasini solishtiramiz. Virjil van Deyk bir sutkada kamida 7-8 soat uxlaydi. Va 1 kunlik uyqusi davomida "Paxtakor" futbolchisining yillik maoshidan ko'proq pul topadi...