Oybek Rustamov: "Ishtiyoq va muxlislarimiz daldasi orqali g'alabaga erishdik"

Uchrashuvdan so'ng “Qo'qon-1912” safida birinchi golni kiritgan yarim himoyachi Oybek Rustamov bilan suhbatlashdik.

- Oybek, “Paxtakor” ustidan qozonilgan g'alabadan keyingi taassurotlaringiz bilan o'rtoqlashsangiz...

- Ochig'i, O'zbekistonning bugungi kundagi birinchi raqamli jamoasiga qarshi tartibli o'yin ko'rsatganimiz evaziga g'alaba qozondik. G'alabamiz yo'lida harakter va ishtiyoq namoyish qildik.

- Mazkur bahsda darvozlarga 6ta to'p kiritildi. Gollarga boy o'yin bo'lishini kutganmidingiz?

- Yo'q albatta. Bunday bo'lishini hech  kim kutmagan bo'lsa kerak. Ikkala jamoa ham g'alaba uchun maydonga tushgani uchun ochiq futbol namoyish qildi. Bu esa o'yinni gollarga boy kechishini taminladi. 

- Stadionga tashrif buyurgan klubning ashaddiy ishqibozlarining daldasi ham g'alabaga ijobiy tasir ko'rsatdimi?

- Albatta. Futbol muxlislar uchun. Ayniqsa, qo'qon futbolini ishqibozlarsiz taassavur qilish qiyin. Bugungi g'alabamizda ularning o'rni bor. Muxlislarimiz har bir vaziyatimizda bizni qo'llab-quvvatlagi uchun o'z minnatdorchiligimni bildiraman.

- “Qo'qon-1912” jamoasi “Paxtakor”ga qarshi o'yinda joriy mavsumdagi eng yorqin o'yinini ko'rsatdi deb o'ylaysizmi?

- Haa. Jamoamiz mavsumdagi eng shiddatli, yorqin va hujumkor o'yinlaridan birini o'tkazdi. 

- Gol kiritgan vaziyatingiz xususida nimalarni ayta olasiz?

- Har bir futbolchi gol urishni istaydi. Men ham gol urib, jamoam g'alabasiga o'z hissamni qo'shganimdan xursandman.