Otabek Zokirov: "Mavsumga tayyormiz"

Ushbu uchrashuvdan oldin AGMK jamoasi futbolchisi Otabek Zokirov o'yindan oldin o'z fikrlarini bildirib o'tdi.

"Mavsumga jiddiy tayyorgarlik ko'rdik. Asosan xorijda ko'proq mashg'ulotlar olib bordik. Barcha etibor "Bunyodkor"ga qarshi o'yinga qaratilgan. Ushbu bahsni muxlislar intizorlik bilan kutishmoqda. Nasib qilsa yaxshi natija qayd etamiz, deb o'ylayman. O'tgan mavsum "Qizilqum" jamoasida faoliyat olib borgandim, lekin ayrim sabablarga ko'ra ushbu klub bilan do'stona hayrlashdim. AGMK jamoasida do'stlarim faoliyat olib borishadi. Ular bilan chiqishib ketish u darajada qiyin bo'lmadi. Ichki muhit alo darajada. AGMKda barcha bir oiladek. "Bunyodkor"ga qarshi jiddiy tayyorgarlik ko'rdik. Ushbu bahsda ijobiy natija qayd etamiz", - deydi Otabek Zokirov

Jahongir Sotvoldiev yozib oldi