Otabek SHukurov: "O'z maydonimizdagi javob o'yinida xato qilishga haqqimiz yo'q"

"O'yinni boshidan qandaydir ishonchsiz boshladik. Ikkinchi bo'limda biroz o'yinimiz yaxshilandi. Vaziyatlardan foydalana olganimizda barchasi yaxshi bo'lardi", - deya o'z fikrlarini boshladi "Bunyodkor" futbolchisi.

- O'yinga zaxiradan qo'shildingiz. Qay tarzda kirishib keta oldingiz?

- Bahsga yaxshi kirisha oldim deb o'ylayman. Barchasi joyida. Endi o'z maydonimizdagi o'yinda faqat g'alaba uchun o'ynaymiz. Xato qilishga haqqimiz yo'q. Maqsadimiz - O'zbekiston Kubogini qo'lga kiritish.

- "Obod"dan mana shunday qarshilik kutganmidingiz?

- Albatta kutgandim. Buni barcha futbolchilar va murabbiylar kutishgandi. CHunki, birinchi ligadan chiqqan jamoaga qarshi safarda o'ynash doim qiyin bo'ladi. "Buxoro" ham "Obod"ga qarshi bo'lgan chempionat o'yinida mana shunday qiyinchilikka duch keldi.

- Terma jamoa yig'inida qatnashdingiz. Taassurotlar qanday?

- Terma jamoada barchasi alo darajada. Muhit, jamoadosh akalar, murabbiylar shtabi ham zo'r. Filippinga qarshi o'yin ham qiyin bo'ldi. Endi Bahraynga qarshi o'yinda barchasi joyiga tushadi va terma jamoamiz o'z maqsadiga erishadi deb o'ylayman.

Aziz To'xtamurodov