Otabek Jo'raqo'ziev: "Mali taktik va texnik jihatdan kuchli jamoa ekan"

– O'yin haqida

– Mali Olimpiadaga yo'llanma olgan jamoa. Ular to'p bilan yaxshi muomala qilishadi. Taktik va texnik jihatdan kuchli jamoa. O'yinga munosib tayyorlandik. Himoyada ozgina xatoga yo'l qo'ydik. SHunday bo'lsa ham bugun yaxshi o'yin ko'rsatdik deb o'ylayman. Ertadan tiklanishni boshlaymiz, shundan so'ng keyingi o'yinga tayyorgarlik ko'ramiz.

– Mali futbolchilarining gavdasi juda baland ekan. Bu sizlarga muammo tug'dirmadimi?

– Yo'q, bu narsa muammo tug'dirmadi. 

– Bugun birinchi taymdan keyin barcha futbolchilar almashtirildi. Bu oldindan rejalashtirilganmidi?

– Ha, bugun barcha o'yinchilarga imkoniyat berilishini aytishgandi. Oldimizda qisqa vaqt davomida ikkita o'yin edi. Jamoamiz murabbiylari hammaga imkoniyat berilishini malum qilishgandi.