Osiyo xabari. Ashkan Dejaga “Al Arabi”ga o'tdi

Xabaringiz bor, ushbu yarim himoyachi bungacha Angliyaning “Fulxem” klubi sharafini himoya qilib kelayotgandi. Braziliyada bo'lib o'tgan jahon chempionatida qatnashgan Dejaga “Fulxem” tarkibida ikki mavsumni o'tkazib, 49ta o'yinda ishtirok etgan.

Londonliklar bosh murabbiyi Feliks Magat eronlik futbolchiga o'z minnatdorchiligini bildirib, yangi jamoasida omadlar tiladi. Ashkan Dejaga Qatar klubi bilan to'rt yillik shartnomaga imzo chekdi va haftasiga 80 ming funt maosh oladi. “Al Arabi” o'tgan mavsumni chempion “Laxviya”dan 14 ochko ortda qolib, beshinchi o'rinda tugatdi.