Osiyo Kubogi: Janubiy Koreya terma jamoasi
25 dek 2014 16:43
Yangiliklar
Osiyo Kubogi: Janubiy Koreya terma jamoasi
Jahon chempionatida Rossiya, Belgiya va Jazoir bilan bir guruhdan o'rin olgan Koreya juda yaxshi o'yin namoyish etmadi. SHunga qaramay, so'nggi yillarda tarkibni yoshartirish yuzasidan olib borilgan ishlar bugun deyarli yakunlangan. Terma jamoada yoshi 30dan o'tgan birgina futbolchining borligi Koreya ushbu tarkibi bilan kamida keyingi mundialgacha bo'lgan jarayonni bosib o'tishi mumkinligini bildirib turibdi.
Laqabi: "Tegu jangchilari"
Bosh murabbiyi: Uli SHtilike (Germaniya)
Sardori: Ki Sun Yun
Eng ko'p o'ynagan futbolchi: Xon Myun Bo (136)
To'purari: CHa Bum Kun (55)
FIFA reytingidagi o'rni: 69
Birinchi rasmiy o'yini: Gonkong - 5:1 (Gonkong, 1948 yil 6 iyun)
Eng yirik g'alabasi: Nepal - 16:0 (Inchon, Koreya, 2003 yil 29 sentyabr)
Eng yirik mag'lubiyati: SHveciya - 0:12 (London, Angliya, 1948 yil 5 avgust)
Jahon chempionatida 9 marta ishtirok etgan. 2002 yil 4-o'rinni egallagan. Osiyo Kubogida 12 bor qatnashib, 1956 va 1960 yillarda qita chempioni bo'lgan.
Bosh murabbiy germaniyalik afsonaviy futbolchi va murabbiy Uli SHtilikedir. U futbolchi faoliyatida “Borussiya” M va “Real” Madridda o'zini ko'rsatgan. Germaniya va Ispaniyada qatorasiga 6 marta milliy chempionatda zafar quchgan. 2 bor UEFA Kubogini va 1980 yil terma jamoa bilan Evropa chempionligini qo'lga kiritgan. 1982 yil jahon chempionati finalida uning termasi finalda Italiyaga 1:3 hisobida imkoniyatni boy bergan. Koreya terma jamoasini yozdan buyon boshqarib kelmoqda.
Ulrix SHTILIKE
Tug'ilgan sanasi: 15.11.1954
Tug'ilgan joyi: Ketsh, Germaniya
Futbolchilikdagi ampluasi: yarim himoyachi
O'ynagan jamoalari: 1972–1977 “Borussiya” M 109 (12), 1977–1985 “Real” Madrid 215 (41), 1985–1988 “Ksamaks” 66 (0).
Germaniya terma jamoasida 1975–1984 yillarda 42 o'yinda 3 to'p kiritgan.
Boshqargan jamoalari: 1989–1991 SHveycariya terma jamoasi, 1992–1994 “Ksamaks”, 1994–1995 “Manxeym”, 1996 “Almeriya”, 1998–2000 Germaniya terma jamoasida maslahatchi, 2000–2006 Germany (U19 / U20 / U21), 2006–2008 Kotd Ivuar terma jamoasi, 2008 “Son”, 2008–2010 “Al Arabi”, 2010–2012 “Al Sailiya”, 2013–2014 “Al Arabi”, 2014 yilning yozidan Janubiy Koreya terma jamoasida.
Sovrinlari: Germaniya chempioni - 1975, 1976, 1977, Germaniya Kubogi sohibi – 1973, UEFA Kubogi sohibi – 1975, 1985, Ispaniya chempioni - 1978, 1979, 1980, Ispaniya Kubogi sohibi - 1980, 1982, SHveycariya chempioni - 1987, 1988, Evropa chempioni – 1980, jahon chempionati kumush medali sohibi – 1982.
Koreyslarning asosiy o'yinchilari sifatida darvozabon Jun Syon Ryon, himoyachi CHa Du Ri, Kvak Tay Xvi, Germaniyada o'ynayotgan Kim Jin Su va Park Ju Xo, yarim himoyachilar Ki Sun Yun, Son Xyon Min va hujumchi Li Kyun Xoni keltirish o'tish mumkin. Darvozabon Ryon deyarli 10 yildan beri asosiy posbonlik vazifasini bajarib kelmoqda. U qo'pol xatolarga yo'l qo'ymaydi. Himoyada tajriba jihatidan boshqalarga o'rnak bo'ladigan CHa Du Ri va Kvak Tay Xvi maydondagi harakatlari bilan ham ularga namuna bo'la olmoqda. “Suonsi”da APLning barcha uchrashuvlarida maydonga tushgan Ki Sun Yun o'z poziciyasida Angliyada etakchilardan biriga aylangan. Son Xyon Min esa yarim himoyachi bo'la turib, “Bayer” uchun shu mavsumning o'zida 26 bahsda 10 gol urishga ulgurdi. Ushbu futbolchilar Koreyaning etakchilari bo'lishiga shubha yo'q.
Tarkibdagi 23 o'yinchidan 18 nafari xorij chempionatlarida to'p tepadi. 12 nafari Osiyoda va 6 nafari Evropada. Legionerlar ko'pligi va ularning bandligi sababli jamoa to'liq yig'inga endigina kirishdi. CHunki 12 nafar futbolchisiz yig'in o'tkazishdan mano yo'q edi. Koreya Avstraliyaga g'oliblikni ko'zlagan holda tashrif buyurmoqda.
Terma jamoa tarkibi
Darvozabonlar |
|||
Jun Sun Ryon |
64 |
0 |
Suvon Blyuingiz |
Kim Jin Xyon |
4 |
0 |
Serezo Osaka, Yaponiya |
Kim Syon Gyu |
7 |
0 |
Ulsan Xyunday |
Himoyachilar |
|||
CHa Du Ri |
70 |
4 |
Seul |
Jan Xyun Su |
7 |
0 |
Guanchjou RF, Xitoy |
Kim CHan Su |
13 |
0 |
Kashiva Reysol, Yaponiya |
Kim Jin Su |
9 |
0 |
Xoffenxaym, Germaniya |
Kim Ju Yon |
4 |
1 |
SHanxay, Xitoy |
Kim Yon Gvon |
29 |
1 |
Guanchjou Evergrand, Xitoy |
Kvak Tay Xvi |
37 |
5 |
Al Hilol, Saudiya Arabistoni |
Park Ju Xu |
17 |
0 |
Maync, Germaniya |
Yarim himoyachilar |
|||
Li Myun Ju |
12 |
1 |
Al Ayn, BAA |
Kim Sun Yun |
66 |
5 |
Suonsi, Angliya |
Xan Kuk Yon |
18 |
0 |
Qatar SK, Qatar |
Son Xyon Min |
34 |
7 |
Bayer, Germaniya |
Kim Min Vu |
9 |
1 |
Sagan Tosu, Yaponiya |
Ku Ja CHol |
42 |
13 |
Maync, Germaniya |
Nam Tay Xi |
16 |
1 |
Lahviya, Qatar |
Xan Kyo Von |
4 |
1 |
CHonbuk Motors |
Li CHyon Yon |
64 |
6 |
Bolton, Angliya |
Hujumchilar |
|||
CHo Yon CHol |
10 |
0 |
Qatar SK, Qatar |
Li Kyun Xo |
70 |
19 |
Al Jaish, Qatar |
Li Jun Xyup |
0 |
0 |
Sangju Sangmu |
Behzod Nazarov tayyorladi
Fikrlar