Osiyo Kubogi: Quvayt terma jamoasi

Quvayt sovrinlarga ega chiqish bo'yicha arab jamoalari ichida eng nomdorlaridan biridir. Quvayt va Saudiya Arabistoni umumiy gegemonlik borasida jiddiy raqobatda bo'lib kelishadi. Ular o'rtasidagi bahslar Ko'rfaz derbisi sifatida etirof etiladi. Hozirgacha quvaytliklar 1972 yil Osiyo Kubogini qo'lga kiritishgan. Ko'rfazda esa 10 bor boshqalardan kuchliroq ekanliklarini isbotlashgan. Ayni paytda bu jamoa o'rtacha saviyada o'yin namoyish etmoqda. Lekin taktik tarafdan yaxshi o'yin ko'rsatishi sababli istalgan raqibni bir uchrashuvda mushkul ahvolga tushirib qo'yishi mumkin. Ular guruhda Avstraliya va Koreyaga imkoniyatni shunchaki boy berib qo'yishmaydi.

Quvayt terma jamoasi
Laqabi: “Al Azraq” (“ko'klar”)
Bosh murabbiyi: Nabil Malul (Tunis)
Sardori: Navaf Holdi
Eng ko'p o'ynagan futbolchi: Badir Al Mutva (149)
To'purari: Bashar Abdulloh (75)
FIFA reytingida o'rni: 124
Birinchi uchrashuvi: Liviya – 2:2 (Marokash, 1961 yil 3 sentyabr)
Eng yirik g'alabasi: Butan – 20:0 (Quvayt, 2000 yil 14 fevral)
Eng yirik mag'lubiyati: BAA – 0:8 (Marokash, 1961 yil 4 sentyabr), Portugaliya – 0:8 (Portugaliya, 2003 yil 19 noyabr)
1982 yil jahon chempionatida ishtirok etgan. Osiyo Kubogida 9 marta qatnashib, 1972 yil chempionga aylangan. Ko'rfaz Kubogida 10 marta (1970, 1972, 1974, 1976, 1982, 1986, 1990, 1996, 1998, 2010) g'alaba qozongan.

Bosh murabbiy tunislik Nabil Maluldir. U oxirgi yillarda Tunis terma jamoasi va Qatarning “Al Jaish” klubida ish olib bordi. Hozircha murabbiy sifatida aytarli yutuqlarga erishmadi. Osiyo Kubogida unda o'zini ko'rsatish uchun yaxshi imkoniyat bo'lishi tabiiy.

Nabil Malul
Tug'ilgan sanasi: 25.07.1962
Tug'ilgan joyi: Tunis
Futbolchilikdagi poziciyasi: yarim himoyachi
O'ynagan jamoalari: 1981–1989 “ES Tunis”, 1989–1991 “Gannover”, 1991–1994 “ES Tunis”, 1994–1995 “Bicert”, 1995–1999 “Afrikain”, 1999–2000 “Al Ahli”.
Tunis terma jamoasida 11 o'yinda maydonga tushgan.
Boshqargan jamoalari: 2011–2013 “ES Tunis”, 2013 Tunis terma jamoasi, 2014 “Al Jaish”. 2014 yildan Quvayt terma jamoasida ish boshladi.

Quvaytning asosiy futbolchilari sifatida darvozabon Navaf Holdi, himoyachi Musaed Neda va Hussayn Fadhel, hujumchilar Badir Mutva va Yusuf Nosirni ko'rsatish mumkin. Ayniqsa, Nosir terma jamoa 48 uchrashuvda 30 to'p kiritgani etiborga molik. Mutva esa yaxshi hujumchi va to'purar ekanligini turli o'yinlarda namoyish etib bo'lgan.

Darvozabonlar
1. Holid Rashidi	12	0	Al Salmiya
22. Navaf Holdi	100	0	Al Qadsiya
23. Hamid Yusuf	6	0	Al Arabi
Himoyachilar
2. Amir Fadhel	14	0	Al Qadsiya
3. Fahad Avad	27	2	Quvayt SK
4. Hussayn Fadhel	43	2	Al Vahda, BAA
5. Fahed Hajri	14	0	Al Qadsiya
13. Musaed Neda	70	15	Al Oruba, Saudiya Arabistoni
18. Holid Ibrohim	5	0	Al Qadsiya
Yarim himoyachilar
6. Holid Qahtoni	14	0	Al Qadsiya
7. Talal Fadhel	0	0	Kazma
8. Solih SHeyx	39	1	Al Qadsiya
9. Abdulloh Buraiki	10	1	Quvayt SK
10. Abdulaziz Enazi	7	0	Al Qadsiya
11. Fahad Ansari	21	1	Al Qadsiya
12. Sulton Enazi	15	0	Al Qadsiya
14. Talal Amir	21	0	Al Qadsiya
16. Faysal Zayd	1	0	Jahra
Hujumchilar
15. Faysal Enazi	0	0	Al Salmiya
17. Badir Mutva	141	46	Al Qadsiya
19. Abdulrahmon SHammari	2	0	Al Nasr
20. Yusuf Nosir	48	30	Kazma
21. Ali Maqsud	26	4	Al Arabi

Behzod Nazarov tayyorladi