Osiyo Kubogi-2019. Hassan Al Haydosning musobaqadan umidi katta

Terma jamoa sardori Hassan Al Haydos musobaqa oldidan OFK rasmiy saytiga intervyu berdi.

"Bu juda katta turnir, - deydi 28 yoshli futbolchi. - Hamma qatori bizning ham umidimiz katta. Yil boshida Osiyo Kubogida ishtirok etamiz. Undan keyin Kopa Amerikaga ham boramiz. Ikkalasi yuqori saviyadagi turnir. Mana shu musobaqalar orqali o'z uyimizda bo'lib o'tadigan JCH-2022ga tayyorgarlik ko'ramiz".

"Al Sadd" klubining hujumkor yarim himoyachisi Qatar milliy terma jamoasida 100tadan ko'p o'yin o'tkazgan.

"Biz hozircha chorak finalni ko'zlab turibmiz. Buning uchun yaxshigina imkoniyat bor. Qolganini esa vaqt ko'rsatadi. To'g'risi, biz bosimni his qilayotganimiz yo'q, aksincha Osiyo Kubogi har bir futbolchiga beriladigan imkoniyat va bunda hamma o'zini ko'rsatishni xohlaydi. Eng muhimi, men har bir o'yindan rohat olishni istayman", - deydi Hassan Al Haydos.