Osiyo Kubogi-2015. Raqibimiz Saudiya yirik hisobda yutqazdi + VIDEO

Madrid shahrida bo'lib o'tgan nazorat bellashuvida Saudiya Arabistoni Moldova termasiga yirik 0:4 hisobida imkoniyatni boy berdi.

O'yinning birinchi taymida Xuan Ramon Lopes Karo shogirdlari 0:3 hisobida mag'lub bo'lishayotgandi, tanaffusdan so'ng ular yana bitta to'p o'tkazib yuborishdi. Endi saudiyaliklar navbatdagi o'rtoqlik o'yinini Gruziya termasiga qarshi o'tkazishadi.

Kechagi o'yinda Saudiya Arabistoni termasi darvozasini Volid Abdulloh qo'riqladi. Maydondagi o'yinchilar esa quyidagi taktik sxema bo'yicha harakat qilishdi.

CHap qanot himoyachisi: Mansur Al Harbi
Markaziy himoyachilar: Osama Xavsavi, Abdullo Al Zoari
O'ng qanot himoyachisi: Hasan Muat Fallatah

CHap qanot yarim himoyachisi: Yosir Al SHahrani
Markaziy yarim himoyachilar: Saud Xariri, Taysir Al Jassim, Mustafa Al Bassas
O'ng qanot yarim himoyachisi: Fahd Al Muvallad

Hujumchi: Nosir Al SHamroni

Bu o'yinda Saudiya termasi bosh murabbiyi oltita o'zgarishni amalga oshirdi. Ikkinchi taymda Volid Rashid, Abdulfattoh Asiri, Abdulmalik Al Xaybri, Yahyo Al SHehri, Omar Xavsavi, Motaz Xavsavi kabi futbolchilar zaxiradan maydonga tushishdi. Muhammad Al Bishi, Ibrohim Galeb, Ahmad Al Kassar, Fahad Al Tunayyan, Favaz Al Qarni, Ali Al Zubaydi, Muhammad Qosim Al Naxli singari futbolchilar esa o'yinda ishtirok etishmadi.

Eslatib o'tamiz, Saudiyaning Ispaniyadagi yig'ini 1 iyunga qadar davom etadi.



Xayrulla Xoliqov.