Osiyo Kubogi-2015. BAA - Quvayt bahsi o'tkazilmadi

Musobaqaning ochilish uchrashuvi Avstraliya va Quvayt terma jamoalari o'rtasida bo'lib o'tadi. "S" guruhida bahs olib boradigan BAA termasi musobaqa oldidan o'zining oxirgi uchrashuvini Quvaytga qarshi o'tkazishi lozim edi. Biroq bitta sabab tufayli o'rtoqlik o'yini o'tkazilmay qoldi.

Gap shundaki, Kanberrada bo'lishi kerak bo'lgan bahs oldidan ikkala jamoa azolari maydonga chiqib kelishdi. Futbolchilar o'yinni boshlashga tayyor turishgandi, biroq BAA bosh murabbiyi Mahdi Ali raqib jamoa xodimi o'yinni videoyozuvga tushirmoqchi bo'lganini ko'rgach, o'rtoqlik o'yini o'tkazishdan bosh tortdi.

SHundan so'ng o'rtada biroz tushunmovchilik yuzaga keldi. Quvaytliklar bu oddiy o'rtoqlik o'yini bo'lsa, biz videoga olib keyinchalik o'z futbolchilarimizning harakatini o'rganib chiqmoqchimiz degani bilan Mahdi Ali bunga ko'nmadi va shogirdlarini maydonga tushirishdan bosh tortdi. Natijada nazorat bahsi o'tkazilmay qolib ketdi. Eslatib o'tamiz, BAA termasi o'z guruhida Eron, Bahrayn va Qatarga qarshi bahs olib boradi.

X.Xoliqov