Osiyo Kubogi-2007 g'olibi: "O'zbekistonning imkoniyatlari yuqoriroq"

"Mening fikrimcha O'zbekiston terma jamoasining imkoniyatlari yuqoriroq. Bu mening shaxsiy fikrim. O'yin O'zbekiston uchun safarda bo'layotgani terma jamoa uchun asosiy muammo bo'lsa kerak. Timur Kapadze juda yaxshi murabbiy, u shu vaqtga qadar yaxshi tajriba ham orttirdi. Olimpiya terma jamoasini bir necha yillar davomida boshqardi. Timur uzoq yillar davomida terma jamoada o'ynagan va o'zi ham professional futbolchi bo'lgan. Bu esa juda muhim jihat deb o'ylayman, ayniqsa kiyinish xonasini nazorat qilish va boshqa masalalarda ushbu jihat katta rol o'ynaydi. Bosh murabbiy sobiq futbolchi bo'lsa, u kiyinish xonasini nazorat qila oladi. Kapadze O'zbekistonni JCHga olib chiqishga eng loyiq murabbiy deb o'ylayman.

To'g'ri BAA terma jamoasi ham bosh murabbiyini o'zgartirdi va bugungi uchrashuvda g'alaba qozonish ularga juda kerakli. Kosmin Olariu juda tajribali murabbiy. U Xitoyda va Arab mamlakatlarda ishlagan. Olariuni qattiq hurmat qilaman. BAA tarkibi ham yaxshi kuchaydi, braziliyalik bir nechta futbolchilar mahalliylashtirildi" - deya fikr bildirdi Jorvan Vieyra bugungi uchrashuv haqida.

Iroq bilan Osiyoni zabt etgan, islom dinini qabul qilgan, tibbiyotdan futbolga o'tgan yoxud "Al Sib"ni kim boshqarmoqda?