Osiyo chempionlar ligasida guruhdan nechta jamoa chiqadi?

SHu bois mazkur savolga javob berib ketamiz. Avvalo shuni aytish kerak, bu yildan Osiyo chempionlar ligasida klublar soni oshirildi. SHu paytgacha guruh bosqichida 32ta jamoa qatnashib kelgan bo'lsa, bu yildan 40ta jamoa ishtirok etmoqda.

Bu degani 40ta klub 4tadan 10ta guruhga bo'lib chiqildi. SHunday qilib G'arb mintaqasida 5ta, SHarq mintaqasida ham 5ta guruh yuzaga keldi. OCHL yangi reglamentiga muvofiq guruh bahslari yakuniga etganidan so'ng har bir guruhdan birinchi o'rinni egallagan jamoalar, shuningdek, har ikki mintaqadan 3tadan eng yaxshi ko'rsatkich qayd etgan ikkinchi o'rin sohiblari chiqadi. 

Yani, G'arb mintaqasidan 5ta birinchi o'rin egasi va eng yaxshi 3ta ikkinchi o'rinni olgan jamoa, SHarq mintaqasidan ham 5ta guruh peshqadami va 3ta eng yaxshi ikkinchi o'rin egasi - jami 16ta jamoa keyingi bosqichga yo'l oladi. 

Oldingi 32talik tizimda guruhdan 1-2 o'rin egalari nimchorak finalga yo'l olardi. Endi bo'lsa 5ta guruhdan 3ta ikkinchi o'rinni qo'lga kiritgan jamoa chiqyapti. Bu esa kurash yanada keskin kechishini anglatadi. Endilikda "Paxtakor" va AGMK faqat o'z guruhidagi o'yinlar bilan ovora bo'lib qolmaydi, balki boshqa guruhlarni ham diqqat bilan kuzatib boradi.