Osiyo chempionati (U-22) oldidan. Sardor Rashidov: "Birinchi o'yindagi natija finaldek muhim"

"Bizdan muxlislar chempionlikni kutmoqda va biz shunga erishishimiz kerak. Bizga bildirilgan ishonchni oqlash uchun so'nggi soniyagacha va oxirigacha kurashamiz. Barchamizda maqsad bitta va qo'lga kiritishimiz kerak bo'lgan barchasiga ega chiqmoqchimiz" - deya aytib o'tadi Sardor Rashidov.

- Terma jamoamizning raqiblari  va bizni imkoniyatni qanday baholar edingiz?
- Guruhimiz boshqa barcha guruhlarga qaraganda kuchliroq. Biz Xitoy va Iroq jamoalarini o'rganib chiqqanda shunga amin bo'ldik. Jamoalar haqida etarlicha malumotlar oldik. Bizning terma jamoa guruhdagi hech qaysi termadan kuchsiz emas. Butun chempionat bo'yicha oladigan bo'lsak Eron, Yaponiya jamoalari yaxshi shakllangan jamoalardan hisoblanadi. Imkoniyat hammada teng.

- Siz ushbu chempionatdan nimalarni kutmoqdasiz?
- O'zim uchun birinchi navbatda xalqaro maydondagi birinchi medallarga ega chiqishni. Buning uchun albatta terma jamoamiz g'alabalar qozonishi kerak. SHu bois hamjihatlik eng asosiy jihatlardan biri. Albatta birinchi o'yindagi natija biz uchun finaldek muhim. Ruhiyatni ko'tarish uchun ham faqat g'alaba kerak.

Humoyun Davurov suhbatlashdi