Osiyo chempionati saralashi. Hindiston U-19- O'zbekiston U-19 - 0:3
10 okt 2013 20:20
Yangiliklar

Osiyo chempionati saralashi. Hindiston U-19- O'zbekiston U-19 - 0:3

Osiyo chempionati saralashi doirasidagi Hindiston va O'zbekiston o'rtasidagi o'yin bo'lib o'tdi.

Ushbu sahifada o'yinning asosiy vaziyatlari va natijasini kuzatib borishingiz mumkin bo'ldi. Vaziyatlar twitter.com/UzbekistanU20 dan olindi.

O'yinning 4-daqiqasida hindlar o'ng qanotdan xavfli hujum uyushtirishdi, Mehroj G'ulomov to'p markaziy hujumchiga o'tib ketishiga yo'l qo'ymay, hujumni bartaraf etdi. 8-daqiqada Asliddin Abdiev darvoza tomon kuchli, lekin noaniqroq zarba berdi. 13-daqiqada burchak zarbasidan so'ng Hindiston himoyachilari to'pni uzoqlashtirishdi, qaytgan to'pni Azimov darvozaga tepdi. Aniq, lekin kuchsiz zarba. 21-daqiqada Sardor Azimov chap qanotda raqibni chiroyli aldab o'tib, pas berdi. Maqsudjon esa bosh bilan zarba berdi. Xavfli, lekin gol emas. 28-daqiqada Abduraimov bilan yakkama-yakka chiqdi Udanta Singh. Uning oyog'i ostiga darvozabonimiz va himoyachi Otaxonov yiqildi. Udanta ham yiqildi. 34-daqiqada hindlar yaxshi hujum bilan chap qanotdan Danielni birga-birga chiqarishdi, uning zarbasini esa Abduraimov ushlab qolji. 39-daqiqada Abbos Otaxonov hujumga o'tib kuchli va xavfli zarba berdi.

44-daqiqada Sardorbek Azimovning pasi oxiri gol uchun etarli bo'ldi. Asliddin Abdiev kuchli zarba bilan darvozaga to'g'rilab qo'ydi - 0:1. Birinchi bo'lim yakunlandi.

51-daqiqada o'ng qanotdagi Mahmudov - Abdiev kombinaciyasini, himoyachidan to'pni olib qo'yib, Bobur Davlatov gol bilan yakunladi - 0:2. 62-daqiqada burchakdan uzatilgan to'pni Asliddin Abdiev bosh bilan darvozaga to'g'riladi va o'z dublini rasmiylashtirdi - 0:3.

Hindiston U-19- O'zbekiston U-19 - 0:3 (0:1)

Gollar: Asliddin Abdiev, 44 - 0:1. Bobur Davlatov, 51 - 0:2.Asliddin Abdiev, 62 - 0:3.

Hindiston: 47. Vishal, 2. Gurba (Nongrum, 46), 4. Kumar, 6. Sajid, 10. Udanta Singh, 14. Suvik, 17. Germanprit, 23. Pritamkumar, 32. Xarpan (Rai Uttam, 77), 45. Lalremuya (Fayoz, 55).
O'zbekiston U19: SHerzodbek Abduraimov (Dilshod Hamroev, 85), Doston Tursunov, Mehroj G'ulomov, Abbosjon Otaxonov, Azizbek Mamazoitov, Najmiddin Normurodov, Sardorbek Azimov, Bobur Davlatov (Narimon Hasanov, 74), Maqsudjon Mahmudov (Javohir Sohibov, 62), Asliddin Abdiev, Eldor SHomurodov.

Havola :

Manba : championat.asia

Yangiliklarni Telegramda o'qing!

Reyting: