O'rtoqlik uchrashuvi. "Qo'qon-1912" - "Navbahor" 0:3

“Oq-tepa” o'yingohida o'tkazilgan o'yinda "Navbahor" 3:0 hisobida g'alaba qozondi.

Uchrashuvning birinchi bo'limidagi voqealar rivoji asosan maydon markazida kechdi. Tanaffusga yaqin Mansur Saidov raqib himoyachisining xatosidan so'ng qo'qonliklar darvozasini nishonga olib hisobni ochdi. Ikkinchi bo'limda Ro'zimboy Ahmedov zaxiradan maydonga tushib, “dubl” muallifiga aylandi. Dastlabki golda Ahmedovga Mansur Saidov hammualliflik qildi. Hujumchi ikkinchi golini qarshi hujumdan so'ng nishonladi.

Ikkinchi bo'lim o'rtalarida futbolchilar maydonda o'zaro hisob-kitob ishlariga kirishishdi. Oqibatda uchrashuvni boshqarib borgan Ahror Risqullaev har ikki jamoadan ikki nafardan futbolchini maydondan chetlatdi.

"Navbahor"dan Ro'zimboy Ahmedov va Nemanya Yovanovich tomoshabinlar safidan joy olishdi. O'rtoqlik o'yini bo'lganligi sababli chetlatilgan futbolchilar o'rniga Timur Tolipov va Ravshan Xursanov maydonga tushishdi. Etiborli jihati o'yin oxirlarida Jahongir Mehmonov va Suhrob Berdiev ham qizil kartochka bilan jazolanishdi.

"Navbahor"ning navbatdagi nazorat o'yini 22 fevral kuni Samarqandning "Dinamo" klubiga qarshi o'tkaziladi.

"Navbahor" - "Qo'qon-1912" 3:0

Gollar: Mansur Saidov, Ro'zimboy Ahmedov 2ta

"Navbahor" tarkibi: Asilbek Amanov, Tohir SHamshitdinov, G'iyos  Komilov, Abbos Otaxonov,  Alisher Samatov, Azam Aliev, Dilshod Jabborov, Mirzohid G'ofurov, Oybek Qilichev, Mansur Saidov, Nemanya Yovanovich.

Zaxiradan maydonga tushganlar: Ro'zimboy Ahmedov, Azizbek Turg'unboev, Jahongir Mehmonov, Timur Tolipov, Ravshan Xursanov, Hasanboy Ergashev, Abduaziz Sultonov, Ilhom Boydedaev, Alisher Mirzaev.

"Qo'qon-1912" tarkibi: Muzaffar Abdullaev, Ruslan Melziddinov, Bahodir Akramov, Nosir Otaqo'ziev, Akmal Xolmurodov, Darko Gojkovich, Bahodir Pardaev, Murod Xolmuhammedov, Aleksandr  Merzlyakov, Suhrob Berdiev, Jalil Kimsanov.

Zaxiradan maydonga tushganlar: Oybek Rustamov, Aziz Ashurov, Filip Rayevac, SHohruh Xolmatov.