"Orol" 7 o'yindan buyon faqat yutqazmoqda

O'yin teng kurashlar ostida boshlandi. Birinchi taym oxirlarida mezbonlar himoyachisi Islom Seytnazarov o'z darvozasini ishg'ol qilib qo'ydi. Ikkinchi taym boshida esa mehmonlarning tajribali hujumchisi Farhod Todjiev hisobni 0:2 ga etkazdi. SHundan so'ng nukusliklar "uyg'ongandek" bo'lishdi. Zaxiradan maydonga tushgan Albert Siddiqovga nisbatan ishlatilgan qo'pollik uchun hakam 11 metrlik "nuqta"ni ko'rsatdi. Penaltidan esa Navro'z Xaipov unumli foydalandi. Bu Navro'zning oxirgi 4 mavsumda quyi ligada urilgan 53-goli bo'ldi.  SHundan so'ng "Orol" hisobni tenglashtirish uchun harakat qildi. Biroq o'yin oxirida mehmonlar futbolchisi Nizomjon Norov ikkita gol urib hisobni yirik ko'rinishga olib keldi.

SHu tariqa "Orol" jamoasi mavsumdagi uchinchi uchrashuvni ham boy berdi. To'plar nisbati esa ancha qo'rqinchli 3:10. Jamoa murabbiyi Quvat Tureevning ishlari hozircha yurishmayapti.  Etiborga molik jihati nukusliklar o'tgan mavsumni ham qo'shib hisoblaganda ketma-ket ettinchi o'yinda imkoniyatni boy berishmoqda. Umuman olganda "Orol" oxirgi 17 o'yinning faqatgina bittasida g'alab qozondi. Mavsumni tayyorgarliksiz boshlagan jamoa mavsumni qanday o'tkazishi oydindek go'yo.

Uchrashuvda jamoaning biror taktika asosida to'p surgani ko'rinmadi. Balki hali murabbiylar futbolchilarga o'zlarining falsafalarini singdirib ulgurishmagandir.

“Orol” - “Surxon” 1:4  
Hakamlar: I.Tantashev (Buxoro), X.SHodmonov (Buxoro), A.Burov (Buxoro).
Nazoratchi- V.SHashkov (Toshkent).
Komissar -D.Mirzaev.
Gollar: Navro'z Xaipov 65 (penalti) - Islom Seyitnazarov (avtogol) 43, Farhod Tojiev 46, Nizomjon Norov 85, 90+4.
"Orol": 22. Yangiboev Ulug'bek, 4. Rasul Musaev, 5. Islom Seytnazarov, 6. Alisher Soburov, 9. Damir Nizanov, 10. Navro'z Alimov, 11. Navro'zbek Xaipov, 13. Rinat SHilmanov, 14. Ulug'bek Qutliboev, 18. Baxtiyor Arziev, 21. Babajanov Azamat
Zaxira: 16. Aybek Jamshidov, 2. Baranbaev Jamshid, 7. Talasbaev Nurlibek, 8. Miras Karliboev, 15. Albert Siddiqov, 17. Karimbaev SHirif, 23. Alpomis Ajbanbekov

"Surxon": 1.Ruslan Matniyazov, 7. Nematov Suxrob, 10. Vaxobov Baxriddin, 15.Elbek Otaqulov, 17. Mirzaev Alisher, 19.Farxod Tojiev, 22. Islom Inomov, 24. Ibrohim Raximov, 30.Daniel Nasriddinov , 77. Eminov Sardorbek, 92. Usmonov Azizbek
Zaxira: 12. Axmedov Azamat, 3. Alijonov Ilxom, 4. Abdullaev Ibrohim, 6. Sirojiddin Qo'ziev, 9. Norov Nizomjon, 11. Xushbakov Dilshod, 99. Abdullaev Bek

Furqat Yusupov tayyorladi