Orif Mamajonov: "Dinamo"ni ahillik evaziga mag'lub etdik"

Uchrashuvda Orif Mamajonov tomonidan kiritilgan yagona gol qo'qonliklarga g'alaba keltirdi. Bu bilan yarim himoyachi jamoasining muvaffaqiyatiga salmoqli xissa qo'shdi. SHu bois, Mamajonov 1-tur ramziy terma jamoasidan o'rin oldi.

- CHempionatni g'alaba bilan boshlaganimizdan xursandmiz. Aslida ham Samarqandga faqat g'alaba uchun borgandik. Xudoga shukur, maqsadimizga erishdik. O'yin qiyin kechdi. Mezbonlar ham ochko yo'qotishni istamadi. Uchrashuvda birinchi bo'lib hisobni ochganimiz bizga qo'shimcha kuch bag'ishladi.

- Ahilligimiz evaziga g'alabani saqlab qoldik. Yigitlar bir-birimizni qo'llab-quvvatlab, faqat oldinga intildik.

- O'yindan oldin gol urishni xayolimdan o'tkazgandim. Albatta urgan golim jamoamga g'alaba keltirganidan mamnunman.

- Samarqandga borib jamoamizni sezilarli ravishda olqishlab turgan ishqibozlarga minnatdorchilik bildiraman. Ularni keyingi o'yinlarda ham xursand qilish uchun bor kuchni ishga solamiz.

- "Qo'qon-1912" men uchun begona emas. O'zim tug'ilib o'sgan shahrim jamoasiga qaytganimdan xursandman. Tarkibda mehnatkash yigitlar yig'ilgan. Ular bilan yuqori o'rinlar uchun kurashsa bo'ladi. Har xolda shunga harakat qilinmoqda.

- Ramziy terma jamoadan o'rin olganimdan xursandman. "championat.asia" portali xodimlariga buning uchun minnatdorchilik bildiraman.