"Oq-tepa": “Xorazm” ham mag'lubiyatga uchratildi

Birinchi liga vakili “Xorazm”ga qarshi o'yinda jamoa aralash tarkib bilan harakat qildi. Kecha asosiy futbolchilar “Spartak”ka qarshi o'ynagani bois, bugun asosan kecha maydonga tushmagan o'yinchilar to'p surdi. Hisob mehmonlar tomonidan ochildi. Tajribali Marat Hoshimov 6-daqiqada 35 metrlardan belgilangan jarima to'pini darvozaga joylagan bo'lsa, oradan to'rt daqiqa o'tib endi Zafarjon Qoraqulov undan-da, chiroyli gol bilan hisobni tenglashtirdi. Yarim himoyachi xuddi shuncha masofadan darvoza to'qqizligini nishonga oldi.

Tanaffusdan so'ng tarkibda bir qator o'zgarishlar amalga oshirildi. So'nggi daqiqalarda tajribali yarim himoyachi Sobir Usmonxo'jaev jamoamizga g'alaba keltirgan gol muallifiga aylanib, uchrashuvga nuqta qo'ydi.

Nazorat uchrashuvi
OQ-TEPA – XORAZM – 2:1 (1:1)
24 mart. Toshkent. “Oq-tepa” stadioni.
Bosh hakam: Dilshod Karimov.
Qanot hakamlari: Bahodir Bahramov, Doniyor Saylovov.
“Oq-tepa”: Bahodir Mirsoatov, Sobir Usmonxo'jaev, Jo'rabek Sobirov (Ibrohim No'monov), Abdujalil Hasanov, Berumiy Abdunabiev (Konstantin Petrov), Jaloliddin Saidov, Izzatilla Abdullaev (Sardor Soibov), Maruf Ahmadjonov (Vladislav Pavlovskiy), Zafarjon Qoraqulov (Suhrob Sarimsoqov), Muhammadali Fayzullaev, Aziz Fayziev (Abdumavlon Tursunov).
Gollar: Marat Hoshimov, 6 – 0:1. Zafarjon Qoraqulov, 10 – 1:1. Sobir Usmonxo'jaev, 87 – 2:1.