"Oq-tepa" Qozog'iston klubiga mag'lub bo'ldi

“Oq-tepa”ning bugungi raqibi Qozog'iston chempionatining birinchi ligasi vakili “Jetisu-Sunkar” klubi bo'ldi. Bellashuv teng kurashlar ostida kechgan bo'lsa-da, mehmonlar yirik hisobda g'alaba nashidasini surdi. Birinchi bo'limda himoyachilarning xatosidan unumli foydalangan toldiqo'rg'onliklar hisobni ochgan bo'lsa, tanaffusdan so'ng ikki vaziyatni golga aylantirishib, g'alabani naqd qilishdi. Bu jamoamizning qishgi tayyorgarlik davridagi eng yirik mag'lubiyatlardan biriga aylandi.

Nazorat uchrashuvi
“OQ-TEPA” – “JETISU-SUNKAR” (Qozog'iston) – 0:3 (0:1)
26 fevral. Toshkent. “Oq-tepa” stadioni.
“Oq-tepa”: Ilhom Jumanov, Nodir Teshaboev, Said Tolipov, Doniyor Usmonov, Nodir Sadullaev, Farrux Saydaliev, Bobur Abdurahmonov, Xurshid Yo'ldoshev Nabijonovich, Alisher SHog'ulomov, Sobir Usmonxo'jaev, Maruf Ahmadjonov.
Zaxiradan tushganlar: SHohruh Eshbo'taev, Farrux Zikriyaev, Zafar Qoraqulov, Nikita Pavlenko, Sergey Rekun, Zokir Mirzaahmedov, Xurshid Yo'ldoshev Xurramovich.