Omar Xrbin 50 ming dollar miqdorida jarimaga tortildi
20 dek 2017 17:10
Yangiliklar
![](https://championat.asia/upload/storage/295249_original.jpg)
![](/upload/storage/295249_220.jpg)
Omar Xrbin 50 ming dollar miqdorida jarimaga tortildi
Xususan, qarorga ko'ra "Al Hilol" klubi hujumchisi Omar Xrbin uch marta jurnalistlarga intervyu berishdan bosh tortgani uchun jami 50 ming AQSH dollari miqdorida jarimaga tortildi. U dastlab "Persepolis" - "Al Hilol" o'yinida intervyu berishdan bosh tortgan.
SHu bois avvaliga 10 ming dollar miqdorida jarimaga tortildi. Keyinchalik bu holat final bahslarida yana ikki bor takrorlandi. Natijada 20 mingdan 40 ming dollar jarima solindi. Jami futbolchi 50 ming dollar to'laydigan bo'ldi.
Bundan tashqari, "Al Hilol" klubining boshqa futbolchilari - Salim Al Dovsari bilan Osama Xavsavi ham 10 ming dollardan jarimaga tortilishdi. Ular ham intervyu bermasdan ketib qolishgan. "Al Hilol" klubining o'zi esa jami 74 ming dollar to'laydigan bo'ldi.
Bunga sabab:
1. Klub futbolchisi intervyu bermagani uchun - 10 ming dollar. (Yarim final)
2. "Al Hilol" - "Urava Reds" o'yini paytida muxlislar maydonga har xil buyumlar otgani hamda futbolchilar ko'ziga lazer tushirgani uchun - 15 ming dollar.
3. O'yindan oldingi rasmiy mashg'ulot o'z vaqtida boshlamagani uchun - 4 ming dollar. (Final, birinchi o'yin)
4. Klub o'z futbolchilarini intervyu berishga ko'ndirmagani uchun - 20 ming dollar. (Final, birinchi o'yin)
5. Klub o'z futbolchilarini intervyu berishga ko'ndirmagani uchun - 25 ming dollar. (Final, javob o'yini)
SHuningdek, OFK Kubogida qatnashgan Tojikistonning "Istiqlol" klubiga 16 ming dollar miqdorida jarima solindi. Bunga sabab o'yin paytida tojikistonlik muxlislar to'siqlardan sakrab o'tgan holda maydonga tushib ketishga harakat qilishgan va projektorlar ustiga chiqmoqchi bo'lishgan.
O’xshash yangiliklar
![AMP Logo](https://championat.asia/image/logo-amp.png)
Fikrlar