Omadsizlar Toshkentda to'qnashadi
22 okt 2021 15:07
Yangiliklar

Omadsizlar Toshkentda to'qnashadi

Superigada "jo'jani sanaydigan" vaqt keldi.

Pro ligaga tushib ketish uchun asosiy davogar bo'lib turgan "Turon" bugun poytaxtda mehmon bo'ladi.

Bunyodkor

Xurshid G’iyosov - 35', Umarali Rahmonaliyev - 90', Nurillo To'xtasinov - 90'

Superliga. 23-tur

22/10/2021, 18:15

Tugadi

Turon

Humoyun Murtozaev - 77'

45'

90'

Match-senterda ochish

Yaypan jamoasi 3-bor Toshkentga safar qilyapti. "Lokomotiv" va "Paxtakor" maydonida o'tgan oldingi bahslar Igor SHkvirin shogirdlarining 1 xil hisobdagi mag'lubiyati bilan tugagan (3:1).

"Bunyodkor" — "Turon" uchrashuvi haqidagi qiziqarli faktlarni keltiramiz.
1. "Bunyodkor" 21 sentyabrdan beri Superligada g'alaba qozonolmayapti. "Qaldirg'ochlar" so'nggi bor "Lokomotiv" bilan o'yina 3 ochko olishgandi.
2. "Turon" Superligadagi oxirgi yutug'ini 14 avgust kuni qo'lga kiritgandi ("So'g'diyona", 1:0). SHu tufayli bugungi bahs omadi yurishmayotgan klublar to'qnashuvi hisoblanadi.
3. Yaypanliklar bugun O'zbekiston chempionatlari doirasidagi safardagi birinchi g'alabasini qo'lga kiritishlari mumkin.
4. "Turon" mehmonda g'alaba qozonmagan yagona jamoa bo'lib turibdi (3 durang, 7 mag'lubiyat).
5. "Bunyodkor" joriy mavsum uy o'yinlarida umuman yutqazmagan 3 jamoadan biri ("So'g'diyona" va "Paxtakor" bilan).
6. "Bunyodkor" markaziy hujumchilari so'nggi 3 o'yinda gol ura olishmadi. Jamoa bu bahslarda 2 ta to'p kiritdi.
7. "Turon"ning markaziy hujumchilari bu mavsum faqat 1ta gol urgan. U ham bo'lsa, 1-tur doirasidagi "Qo'qon-1912" bilan o'yinda Jasur Hakimov tomonidan urilgan gol. SHundan keyin urilgan 13 golning barchasi yarim himoyachi yoki himoyachilar nomiga yozilgan.
8. "Bunyodkor" o'z uyida so'nggi mag'lubiyatini 2020 yilning 29 noyabr kuni "Nasaf"dan qabul qilib olgan edi.
9. Bugungi o'yinni Ilgiz Tantashev boshqaradi. Joriy mavsum buxorolik hakam ishlagan bahslarda "Bunyodkor" muvaffaqiyat qozonolmayapti (2 mag'lubiyat, 1 durang).