"Olmaliq"ning bugungi raqibi: "Karpati" (Lvov, Ukraina)
24 jan 2017 08:55
Yangiliklar
![](https://championat.asia/upload/storage/236944_original.jpg)
![](/upload/storage/236944_220.jpg)
"Olmaliq"ning bugungi raqibi: "Karpati" (Lvov, Ukraina)
"Olmaliq"ning bu galgi raqibi Ukraina premer ligasi vakili "Karpati" bo'ladi. Belorussiyalik Oleg Dulub bosh murabbiylik qilayotgan Lvov shahri jamoasi joriy mavsum birinchi davrasi yakuniga ko'ra musobaqa jadvalining so'nggi pog'onasini band etib turibdi. Bunga FIFA tomonidan klubga nisbatan ishlatilgan sankciya ham sabab bo'lgan. Halqaro futbol qo'mitasi "Karpati" va "Dnepr"dan 6tadan ochko olib tashlash bo'yicha qaror chiqargan. Ko'p yillik tarixga ega jamoa uchun bu o'rin munosib emasdek. Ukraina jamoasi xorijiy yig'in orqali vaziyatni ijobiy tomonga o'zgartirishga harakat qilmoqda. Birinchi davrada jamoa safida birgina argentinalik legioner Gustavo Blanko-Leshuk bor edi. 17 o'yinda 7 gol urgan forvard Doneckning "SHaxtyor" jamoasiga transfer bo'lgan.
Jamoamiz bilan bitta mehmonxonada istiqomat qilayotgan lvovliklar 18 yanvar kuni Qarshining "Nasaf" jamoasi bilan o'rtoqlik o'yini o'tkazishdi. Unda hamyurtlarimiz 3:1 hisobida g'alaba qozonishdi.
Darvoqe, o'tgan mavsum "Olmaliq" sharafini himoya qilgan Yaroslav Martinyuk aynan shu jamoadan kelgandi.
Bugungi bahs Toshkent vaqti bilan 13:00da mehmonxonaga qarashli "Top kape" sport majmuasida boshlanadi.
O’xshash yangiliklar
![AMP Logo](https://championat.asia/image/logo-amp.png)
Fikrlar