Oliy liga. "Qo'qon-1912" g'alabasiz seriyasiga barham bera oladimi?

Oliy liga taqvimidan bugun to'rtta uchrashuv o'rin olgan. SHulardan biri Farg'onada bo'lib o'tadi va "Neftchi" o'z maydonida "Qo'qon-1912"ni qabul qiladi. 

Oliy liga, 11-tur. 

"NEFTCHI" - "QO'QON-1912"

Boshlanish vaqti: 19:00

Hakam: Vadim Agishev

Turnir jadvalidagi o'rni: "Neftchi" 8-o'rin (15 ochko), "Qo'qon-1912" 15-o'rin (6 ochko).

Ochkolar orasidagi farq: 9.

Tarif: Bir so'z bilan aytganda, vodiy derbisi. Bunday o'yinlarda kimning qaysi o'rinda borayotgani katta ahamiyat kasb etmaydi. Ikkala jamoa ham g'alaba uchun oxirigacha kurash olib borishi turgan gap. "Neftchi" o'tgan tur safarda "Paxtakor"ni mag'lub etib, kayfiyatini ancha yaxshilab oldi. "Qo'qon-1912" esa o'z maydonida "Loko"ga mag'lub bo'ldi. 

Fakt: "Neftchi" oxirgi ikkita o'yinni g'alaba bilan yakunladi. O'z maydonida shu paytgacha to'rtta uchrashuv o'tkazgan farg'onaliklar shundan ikkitasida g'alaba qozonib, bir marta durang o'ynab, bir bor mag'lub bo'lishdi. "Qo'qon-1912" esa qatorasiga ettita uchrashuvdan beri g'alaba qozona olmayapti. Jamoa hatto durang qayd eta olgani yo'q. Bugun qo'qonliklar ushbu noxush ananaga barham bera olishadimi? Buni esa albatta o'yin va vaqt ko'rsatadi.