"Olimpiya" ustozi: "Maqsadimiz - yoshlar terma jamoasiga va klublarga yosh futbolchilarni etkazib berish

- O'yin haqidagi fikrlaringiz?

- O'yin judayam qiziqarli bo'ldi. Havo ham yaxshi bo'ldi, futbol o'ynash uchun juda qulay. Bizning futbolchilar uchun ushbu bahs juda foydali va kerakli edi. Futbolchilarimiz bunday uchrashuvlarda o'zini ko'rsatishi kerak va shundagina olimpiya va yoshlar terma jamoasiga jalb etila boshlaydi futbolchilar. 5ta futbolchimiz U17 terma jamoasining yig'ininga jo'nab ketishdi, shu sabab bugun ko'nglimizdagidek o'yin ko'rsata olmadik. Bizning maqsadimiz yoshlar terma jamoasiga va klublarga yosh futbolchilarni etkazib berish. Kuchli raqiblarga qarshi o'yinlarda o'zimizni ko'rsatib yaxshi natijalarga erisha olamiz.

- "Navbahor"ga qarshi uchrashuvga jamoangiz raqib darvozasini ishg'ol etgan edi. Bugun raqib darvozasiga gol urish uchun nima etishmadi deb o'ylaysiz?

- "Navbahor"ga qarshi uchrashuvdan farqli o'laroq, biz bugungi uchrashuvda boshqa uslubda o'ynadik. Biz bugun ko'proq qarshi hujumlarga tayanib o'ynayotgan edik. Asosiy futbolchilarimiz U17 terma jamoasi bilan yig'inga jo'nab ketgani sababli ham bugun biroz qiynaldik. Yigitlar yosh ozgina tajriba etishmagani ham ko'rinib turdi. Zahira o'rindig'ida ham futbolchilar kam edi. Asosiy tarkibimiz bilan o'ynmaganimiz sabab bugun gol ura olmadik deb o'ylayman.