"Olimpiadada atmosfera o'zgacha. Har xil sportchilarni ko'rasiz, ulardan ko'p narsani o'rgansa bo'ladi" - Abdurauf Bo'riev
05 avg 17:22
Yangiliklar
![](https://championat.asia/upload/storage/798093_original.jpg)
![](/upload/storage/798093_220.jpg)
"Olimpiadada atmosfera o'zgacha. Har xil sportchilarni ko'rasiz, ulardan ko'p narsani o'rgansa bo'ladi" - Abdurauf Bo'riev
"Olimpiadadan so'ng "Paxtakor" yig'iniga qo'shildim. Bizni murabbiylar va futbolchilar juda iliq qarshi olishdi. Bundan xursandman. Ikkinchi davra start oldi. Ilk o'yinimiz "Nasaf"ga qarshi kechadi. Maqsadimiz – chempionlik", – deya gap boshladi Bo'riev.
- O'zbekiston termasi tarixda ilk bor Olimpiadada ishtirok etib qaytdi. Olimpiya o'yinlari qanday darajadagi musobaqa ekan?
- Bu musobaqada ilk bor ishtirok etdik. O'ziga yarasha his-tuyg'ulari bor turnir ekan. Bu musobaqada kuchsiz jamoaning o'zi yo'q edi. Hamma jamoalar yuqori darajada tayyorgarlik ko'rib kelgan. Menimcha, kim oxirgi vaziyatlaridan unumli foydalangan bo'lsa, o'sha jamoa g'alaba qozondi. Olimpiadada yaxshi qatnashdik deb o'ylayman, faqat ozgina omad etishmadi. Vaziyatlarning so'ngi pallalarida gol urishga qiynaldik.
Endi Xudo xohlasa, "Paxtakor" bilan chempion bo'lish va terma bilan JCHga yo'l olish niyatidamiz.
- Olimpiada baribir Jahon chempionati va Osiyo Kubogidan farqli o'tadi. Tashkiliy masalalar bo'yicha qanday fikrdasiz? Muammo bo'lmadimi?
- Ha, alohida shaharcha qilingan. Har xil sport turi vakillari bor edi. Futbol uchun alohida 5 qavatli bino barpo qilingan. Futbolchilarning hammasi o'sha erda edi. Atmosfera o'zgacha. Har xil sportchilarni ko'rasiz, ko'p narsani o'rgansa bo'ladi.
- Yil boshidan buyon Olimpiya terma jamoasi futbolchilari deyarli dam olishmadi va tiklanish jarayoniga kam vaqt bo'ldi. O'zingizni qanday his etyapsiz? CHarchoq alomatlari yo'qmi?
- Qaytganimizda ozgina qiyinchilik bo'ldi. Tiklanish uchun klub 2 kunlik dam berdi. Endi bu erda tiklanish jarayonini davom ettiryapmiz. Professional futbolchi albatta bu kabi narsalarga jiddiy ahamiyat qaratishi kerak, aks holda jarohat orttirib olishi mumkin. Bu narsa har bir futbolchining jismoniy holatiga bog'liq bo'ladi.
O’xshash yangiliklar
![AMP Logo](https://championat.asia/image/logo-amp.png)
Fikrlar