Oliy liganing 17-turiga jami 25321 nafar tomoshabin

Quyida muxlislar tashrifi borasida to'xtalib o'tishni lozim topdik. Millionlar o'yini bo'lmish futbolni ishqibozlarsiz tasavvur etish qiyin. To'g'ri, oxirgi yillarda tomoshabinlarning tashrifi keskin ravishda pasayib ketmoqda. Bunga bir necha omillarni keltirib o'tish mumkin.

Oliy liganing 17-turidan o'rin olgan 7 o'yiniga jami 25321 ta muxlis tashrif buyurgan. Har bir bahsga o'rtacha miqdorda 3617tadan tomoshabin demakdir.  Albatta bu achinarli xolatdir. O'z vaqtida bitta o'yinga 20000dan ziyod ishqibozlar kirganiga guvoh bo'lganimiz uchun 7ta o'yinga 25000 muxlis kirgani ajablanarlidir.

17-turning “Qizilqum” – “Neftchi” o'yini ishqibozlarda katta qiziqish uyg'otdi. Mazkur uchrashuvni 8321 nafar muxlis bevosita stadionda turib kuzatgan. Bu yil tomoshabinlar tashrifi borasida faollik ko'rsatayotgan Navoiy jamoasining har bir uy bahsiga nisbatan ko'p muxlis kirmoqda.

Aksincha “Metallurg” – “Buxoro” o'yiniga eng kam muxlis kirdi, 1038 nafar tomoshabin!

Tomoshabinlar tashrifi kimda qanday?
Qizilqum – Neftchi – 2:0. 8321 tomoshabin.
Andijon – Olmaliq -1:1. 6509 tomoshabin.
Metallurg – Buxoro – 4:3. 1038 tomoshabin.
Nasaf – Navbahor – 1:0. 3012 tomoshabin.
Paxtakor – Mashal – 3:0. 1436 tomoshabin.
Bunyodkor – Dinamo – 0:1. 1663 tomoshabin.
So'g'diyona – Lokomotiv – 0:2. 3342 tomoshabin.