Oliy liga, 17-tur. Murod Muhamedov eng past ball olgan hakam

22 avgust juma kuni turning 4ta bahsi bo'lib o'tdi. SHu kuni bosh hakamlardan Ravshan Ermatov, Valentin Kovalenko, Ilgiz Tantashev hamda Marat Ismoilov ishladi. Kecha bo'lib o'tgan turning qolgan 3ta bahsini esa Rustam Bobomurodov, Murod Muhamedov va Hasan Ro'ziev boshqarib bordi.

17-turda futbolchilarni qo'polliklar va o'yin qoidasini buzgani sababli eng ko'p ogohlantirgan hakam Ravshan Ermatov bo'ldi. “Qizilqum” – “Neftchi” (2:0) bahsida ishlagan FIFA referisi shu kuni har ikkala jamoadan uch nafar futbolchini sariq bilan “siyladi”.

Bekobodda kechgan “Metalurg” – “Buxoro” (4:3) o'yinini boshqargan Marat Ismoilov esa aksincha uchrashuvda biror marotaba ham cho'ntagidan kartochka chiqarmadi.

Murod Muhamedov “Bunyodkor” – “Dinamo” uchrashuvini boshqarib borib, 82-daqiqada mezbonlar himoyachisi SHukurali Po'latovga ikkinchi sariq kartochkani ko'rsatib, uni maydondan chetlatishga qaror qildi. Etiborlisi ushbu turda aynan ushbu bitta chetlatish bo'ldi.

Penaltilar belgilash borasida Valentin Kovalenko etakchilik qildi. Qarshida FIFA hakami “Navbahor” darvozasi tomon ikki bor 11 metrlik belgilashga qaror qildi. Uning bittasigina aniq amalga oshirildi va “Nasaf” qimmatli uch ochkoni qo'lga kiritdi. Yana bir fakt: shu kuni Kovalenko cho'ntagidan 5 marotaba sariq kartochka chiqargan. Ahamiyatlisi ularning barchasi namanganlik futbolchilar tomon ko'rsatilgan.  

Hakamlarning olgan ballariga etibor qaratadigan bo'lsak, bu safar ham Ravshan Ermatov bu borada barchani ortda qoldirdi. Nazoratchi Igor Mustafin uning hatti-xarakatlarini 9,5ballga munosib deb baholadi. Ahamiyatlisi unga qanotlarda yordam bergan Abduhamidulla Rasulov va Jahongir Saidov qo'yilgan 9,3 ball laynsmenlar olgan ballar orasida eng yuqorisi bo'ldi. Bir so'z bilan aytganda Ravshan Ermatov brigadasi bu borada etakchilik qildi.

Bu borada aksincha Murod Muhamedov nisbatan past ball oldi. Tarixda ilk bor “Bunyodkor” o'z maydonida “Dinamo”ga mag'lub bo'lgan o'yinda Muhamedov “qaldirg'ochlar”ning himoyachisini 82-daqiqada chetlatdi. Bu esa “Dinamo”ga qo'l keldi shekilli samarqandliklar 90+4-daqiqada raqib darvozasini ishg'ol etib, g'alabani ilib ketdi. O'yindan so'ng nazoratchi Dmitriy Roman bosh hakamning ishini 8,0 ballga munosib deb baholadi.

17-TURDA ISHLAGAN HAKAMLAR
Qizilqum  – Neftchi – 2:0.
Hakam: R. Ermatov (Toshkent) – 9,5, A. Rasulov (Toshkent) – 9,3, J. Saidov (Toshkent) – 9,3, SH. Ro'ziqulov (Qarshi) – 9.
Nazoratchi: I. Mustafin (Toshkent).

Andijan – Olmaliq -1:1.
Hakamlar: I. Tantashev (Buxoro) – 8,5, B. Qodirov (Buxoro) – 8,6, A. Qo'ldoshev (Buxoro) – 8,3, A. Ergashev (Toshkent) – 9.
Nazoratchi: I. Nexochin (Namangan).

Metallurg – Buxoro– 4:3.
Hakamlar: M. Ismoilov (Toshkent) – 8,5, T. Galeev (Toshkent) – 8,4, A. Po'latov (Toshkent) – 8,4, O. Tuychiboev (Toshkent) – 8.
Nazoratchi: R. Aytekov (Toshkent).

Nasaf – Navbaxor – 1:0.
Hakamlar: V. Kovalenko (Toshkent) – 9,2, X. SHodmonov (Buxoro) – 9,1, A. Capenko (Toshkent vil.) – 9,1, I. Ibragimov (Nukus) - 9
Nazoratchi: G. Imomov (Toshkent).

Paxtakor – Mashal – 3:0.
Hakamlar: R. Bobomurodov (Navoiy) – 9,0, R. Samandarov (Navoiy) – 9,0, O. Jumaev (Navoiy) – 9,0, V. Serazetdinov (Toshkent) - 9
Nazoratchi: A. Arutyunov (Toshkent).

Bunyodkor – Dinamo – 0:1.
Hakamlar: M. Muhamedov (Toshkent vil.) – 8,0, S. SHoyusupov (Toshkent) – 8,6, F. Hasanov (Namangan) – 8,6, N. Boltaev (Navoiy) – 9.
Nazoratchi: D. Roman (Toshkent).

So'g'diyona – Lokomotiv – 0:2.
Hakamlar: H. Ro'ziev (Toshkent) – 8,4, T. Gaynulin (Toshkent) – 8,0, A. Usmonov (Toshkent) – 8,6, N. Qosimov (Qarshi) – 8.
Nazoratchi: R. Serazetdinov (Toshkent).